Minister di Asuntunan Eksterior Bert Koenders
DEN HAAG – Tur pais den Reino mester tuma sanshonnan di Union Oropeo (UO) ofer. Otro siman Tweede Kamer lo aseptá e Lei di Sanshon di Reino, asina por konkluí durante e debate di awe.
Sanshonnan di UO tin komo meta pa kambia kondukta no deseabel di pais, organisashon òf persona. Segun minister di Asuntunan Eksterior Bert Koenders (PvdA) tur pais den Reino mester tuma e sanshonnan ofer a base di artíkulo 3 di Statuut. “No por refiná zeta iranes na Kòrsou si na Rotterdam tampoko no por.”
E paisnan karibense ta haña un voto si ora di determiná e punto di bista di Reino. Hulanda ta informá e otro paisnan tokante desishonnan ku ta bini, i nan ta kompartí nan vishon. E paisnan karibense ta partisipá tambe na e kombersashonnan final tokante posibel sanshon.
Disputa
Aruba i Sint Maarten a tuma un legislashon kaba ku kua nan ta djòin Hulanda. Pero Kòrsou tin opheshon kontra e Lei di Sanshon di Reino pasobra posibel sanshon kontra pais bisiña Venezuela por dal ekonomia lokal duru. Miembro di Tweede Kamer Roelof van Laar (PvdA): “Esaki por tin konsekuenshanan grandi pa e partinan karibense di Reino, òf asta un disputa.”
Pero Koenders no ke pa konflikto tokante medidanan di sanshon bira parti de e futuro areglo di disputa. Esaki lo pospon’é i esei no ta den interes di e polítika di seguridat.”
Miembro di Tweede Kamer Han ten Broeke (VVD)
Union
Segun Han ten Broeke di VVD e union di tantu Reino komo Union Oropeo tin prioridat. “Ta aden òf afó. Ademas ku masha interes mi ta warda mira e kandidatura di Kòrsou pa un asiento den Konseho di Seguridat.”
Ten Broeke: “Sin sanshon nunka Iran lo no a yega na mesa. Pero sanshonnan tabatin efekto solamente ku un maneho uniforme, esei nos mester keda mantené.” Van Laar ta di akuerdo ku Reino mester tuma un punto di bista konhunto, pero ta enfatisá mas envolvimente karibense.
PVV
Raymond van Roon (PVV) ta yama e resistensia kurasoleño ‘kabesura i no deseabel’. Tòg e ta anunsiá ku PVV lo vota kontra e Lei di Sanshon di Reino pasobra segun e si UO bin mete ta mas pió ku Kòrsou su kosnan di kabesura. Van Laar: “Ta danki na boso ku aworó Assad por habri un kuenta di banko. Ta esei boso ta hasi posibel.”
Djamars 22 di mart ta vota riba e proposishon di lei.
Outor Pieter Hofmann