Roland Ignacio – potrèt: Dulce Koopman
WILLEMSTAD – E senarionan ku den pasado tabata hopi familia, kaminda ku sindikalistanan ta subi kaya i akshoná , tin biaha ku hopi bochincha pa logra benifisio pa nan miembronan, lo no tuma luga fasil mas. Sindikalismo na Kòrsou a desaroyái bira un organisashon ku ta sali na promé luga na interes di su miembronan.
Tambe sindikalismo ta partisipa den tur asuntu general na bienestar di nos komunidat. Esaki relashona ku aspektonan sosial i desaroyo di hende. Ta pesei por nota ku sindikalismo no ta organisa i partisipa sin mas na ‘bochincha”. Roland ‘Nacho Ignacio, presidente di CGTC a splika ku esaki ta konsekuensha dje e ‘upgrading’ ku sindikalismo na Kòrsou a somete su mes na dje útlimo aňanan. E upgrading aki entre otro ta forma parti dje Plan di formashon sindikal ku a inisia na 2011.
Dulce Koopman den kombersashon ku Roland Ignacio
Swak
Roland Ignacio sinembargo ta rechasá kategorikamente ku debi na e desaroyo nobo aki, por konklui ku sindiklismo a bira swak. Un otro asuntu ku sindikalismo na Kòrsou lo no atende kune mas, ta politika. Segun Roland Ignacio, afiliashon di sindikatonan ku politika den pasado, no a duna resultado eksitoso.
E Plan di Formashon Sindikal ta di e dos sentralnan CGTC i SSK. E plan a bira nesesario pasobra sindikalismo ta realisa ku mundu ta kambiando i ku desaroyonan ta eksigi ku si bo ke keda efektivo, komo organisashon bo mester prepara e hendenan den bo organisashon pa nan por partisipa na un forma efektivo den e desaroyo.
Sindikalismo semper a eksigi partisipashon ku ta trese obligashon. Huntu ku esei bo mester ta riba e nivel pa por partisipa ora ku ta ekigi esaki.
Nivel
E sentralnan sindikal a traha un plan den un dossier kaminda 1 di mei 2011 a i inklui tambe e parti di responsabilidat di gobièrnu pa yuda pa e organisashonnan sindikal por forma nan mes. E formashon mester tabata na un nivel pa den e dialogo nashonal ku tabata propoga, nan ta riba e mesun nivel ku gobiernu i sektor komersial.
Den e kuadro aki a kuminsa ehekuta e plan den kua a hasi uso di e kapasidat interno di lidernan forma kaba i formadónan. Tambe hasi uso di kapasidat di profeshonalnan den komunidat riba tur tema. E tema basiko ta, sindikalismo, su historia i loke ku e ta para pe .Pero tambe riba terenonan di ekonomia, finansas, desaroyo sosial i internashonal. Esaki pasobra e formashon mester ta mas amplio posibel i no solamente sindikal.
Plataforma laboral
Den ultimo tres aňa a trata tur e temanan menshona. Banda di esei ta dedika atenshon na komunikashon i ta konsientisa e trahado, komunidat i dunado di trabou riba e interakshon riba plataforma laboral. Ta konsentra riba kiko mester tene kuenta kune , kiko ta derecho i obligashonnan.
Outor Dulce Koopman