Billy Jonkheer – potrèt: Dulce Koopman
WILLEMSTAD – Kamara di Komersio ta hopi satisfecho ku e posishon ku Kòrsou a atkeri riba e merkado colombiano. Durante ultimo shete aňa Kamara di Komersio a traha riba e merkado colombiano ku e meta pa interesa kompanianan lokal eksporta produkto i servisio pa Colombia.
Tambe pa stimula kompanianan colombiano hasi uso di nos servisionan pa eksporta nan produktonan òf hasi negoshi ku Merka, Oropa of Karibe via di Kòrsou. Presidente di Kamara di Komersio di Kòrsou, Billy Jonkheer ta menshona ku e esfuersonan a kulmina den un bon relashon ku Colombia.
Dulce Koopman in gesprek met Billy Jonkheer
Eksportashon ta hopi importante pa divisas i pa kresementu ekonomiko. Ta den e kuadro aki Kamara di Komersio a lanta Curacao Bussiness Point, Billy Jonkheer a splika. Na dado momentu Kamara di Komersio a konstata ku tabatin varios kompania lokal ku interes pa eksporta nan produkto òf servisio, pero nan tabatin sierto duda.
Pa medio di Curacao Bussiness Point, ta yuda e kompanianan aki ku eksportashon.Mientrastantu tin mas ku 100 kompania ku a bira miembro di Curacao Bussiness Point. Jonkheer:”Nos ta duna nan e toolsnan pa nan eksporta. I tambe lo bin un website pa kompanianan internashonal por tuma nota dje kompanianan lokal ku ta disponibel, ku e meta pa promove eksportashon.”
Outor Dulce Koopman