Abogado Eldon ‘Peppie’ Sulvaran ta papia ku prensa i kolaboradó di Robbie’s Lottery – potrèt: Anneke Polak
WILLEMSTAD – Doño di loteria Robbie Dos Santos mes awe no tabata presente ora wes a dun’é un kastigu di sèl kondishonal di dos aña den e kaso Bientu A konfiská sigur 72 mion florin.
Esaki ta mas ku e doño di Robbie’s Lottery a trata di kumbiní , abogado Eldon ‘Peppie’ Sulvaran ta bisa. “Ainda tin posibilidat pa kumbiní, lei ta ofresé e posibilidat ei. Si nos no sali hopi leu for di otro kisas nos por regla algu ainda.
Anneke Polak ta papia ku Eldon ‘Peppie’ Sulvaran
“Ministerio Públiko (OM) ta satisfecho. A kita 72.5 mion, esaki ta plaka kriminal ku ta bai e fondo di kriminalidat na benefisio di pueblo”, bosero Norman Serphos ta bisa. OM ta kontemplá si pa bringa e dos aña den sèl kondishonal, pasobra a eksihí kuater aña di sèl di kua un kondishonal. E but di 125 mil florin pa e tres kompanianan di Dos Santos tambe OM ta haña abou.
Bòm bou di bendementu di number
Segun Sulvaran e huisio den e kaso Bientu ta pone un bòm bou di bendementu di number na Kòrsou. Wes Ter Berg a indiká ku na Kòrsou i Sint Maarten ta trata di un sirkuito grandi di loteria ilegal. Konkurentenan ta traha na e mes manera, ke men no tin falsifikashon di konkurensia. “Dos Santos i su kompanianan tin e honor dudoso di ta esun ku a pèrsigui di promé”, segun Ter Berg. Sulvaran: “Si Robbie mester stòp awor ku benta ilegal, lo bira imposibel pa e por konkurí ainda.”
Outor Anneke Polak