Militza Riedel -Rafaela, trahadó sosial i direktor di Maatschappelijk Consulent en Technisch Advies – Potrèt Dulce Koopman
WILLEMSTAD – Penshunadonan ku ta konfrontá problema ekonomiko serio debi na e kambio di lei di penshun, ta haña konseho pa emigra temporalmente pa Hulanda. E sugerensha aki ta konta pa penshunadonan ku ta den posishon pa bai i forma un bibá na Hulanda.
Bureau Maatschappelijk Consulent en Technisch Advies ta konstatá ku tin hopi penshunado ku mester a distanshá di nan propiedat, entre otro di nan kas, pasobra nan por mantene mesun nivel di bida. Esaki entre otro , despues ku a subi e edat di penshun di 60 pa 65 aña. Militza Riedel -Rafaela, trahadó sosial i direktor di Maatschappelijk Consulent en Technisch Advies ta prepará hendenan ku ta baha ku penshun pa medio di kursonan ku e ta duna i bukinan ku ela skirbi.
Dulce Koopman a papia ku Militza Riedel-Rafaela
Den koperashon ku entre otro Reda Sosial Militza Riedel-Rafaela ta duna kurso den barionan rònt Kòrsou. Entre otro pa prepara e futuro penshunado. Esaki ta krea e posibilidat pa konhuntamente buska solushon pa e kasonan problematiko, kaminda ku e penshunado ta kai den un ‘buraku finansiero’. Intermediá pa redusi e altura dje hipotek ta entre dje posibilidatnan.
Un otro punto preokupante e segun e trahadó sosial, ta estado di salú dje penshunado ku ‘problema’ finansiero. “Dor ku nan ta dispone di menos entrada, nan ta kome tambe menos salú. Ademas stress tambe ta kousa malesa”, Militza Riedel-Rafaela, ta komentá.
Outor: Dulce Koopman