UTRECHT – “Riba algun punto di e maneho di Hulanda Karibense derecho humano ta den pèrtá”, Dick Houtzager, miembro di e Kolegio pa Derecho Humano ta bisa.
Ayera e kolegio a publiká un rapòrt tokante Hulanda Karibense.
For di òktober di 2010 na Boneiru, Saba i Sint Eustatius ta regla hulandes tin. Tin bia ta hasi un eksepshon, pero no ta splika esaki bon segun Houtzager: “Aworaki muchu fásil ta bisa: E situashon na Hulanda Karibense ta diferente. Mester funda esaki mihó.
Mínimo sosial
Na Hulanda Karibense por ehèmpel mester determiná un mínimo sosial, Houtzager ta haña. Na Hulanda nos a establesé un suma pa midi si un hende ta pober. Esaki no a sosodé nunka na Hulanda Karibense. Ministerio di Asuntunan Sosial ta bisa: promé nos mester tin informashon tokante e situashon, ta ku e informashon ei so nos por establesé un mínimo sosial. E Kolegio ta haña ku ta kla ku e pobresa ta teribel i ku tin sufisiente informashon pa por ehèmpel basa ònderstant i kompensashon pa yu ariba.”
E kompensashon pa yu aktual ta basá riba loke anteriormente tabata kita di belasting di mayornan ku ta traha na Hulanda karibense. Pero no ta kla si e kompensashon pa yu ta tene kuenta ku gastunan di kosto di bida. Si tabatin un mínimo sosial, lo bo por a dedusí e altura di esaki for di dje,” Mayornan na Hulanda Karibense ta haña 38 dòler pa luna, na Hulanda oropeo entre 63 i 91 euro.
Kombersashon privá
E eskala chikí i e lokashon isolá di Saba i Statia ta pone ku ta falta hopi previshon. Por ehèmpel ora ta sospecha un hende di un krímen. E tin e derechi legal riba un kombersashon privá ku un abogado. Na Saba i Statia esaki ta difísil. No tin abogado lokal, nan mester bini di Sint Maarten. No ta kubri nan gastunan di biahe tur ora, i ta p’esei hopi bia e abogadonan ta tene video conference ku nan kliente. Houtzager: “Na e momento ei e sospechoso ta será den warda di polis na Saba òf Statia. Ta di puntra si e ora ei e derechi pa papia privá ku un abogado ta na vigor.”
Detenshon
Sint Eustatius no tin prizòn. Houtzager: “E Kolegio ta prekupá. Aktualmente tin sèl di polis ku no ta adekuá pa usa mas ku un siman. Sospechosonan den detenshon preventivo ta obligá di bai Boneiru, kaminda e idioma i e kultura ta otro. Tambe e derechi di famianan pa por bin bishitá ta pega. Ta p’esei mester bini un propio fasilidat di detenshon.”
Outor Pieter Hofmann