image

DEN HAAG – No tin nodi di terminá e supervishon finansiero na Kòrsou. Asina Konseho di Minister di Reino a disidí despues di konseho di Raad van State. Den e kaso aki e konseho di Raad van State ta obligatorio.

Pais Kòrsou a apelá ora ku Konseho di Minister di Reino na òktober a disidí di prolongá e Lei di Reino di supervishon finansiero (RFT), pero awe nan a dal den duru serka Raad van State.


 

Rogier van den Heuvel, abogado di gobièrnu di Kòrsou, den e seshon di mart 2016 a trese dilanti ku e normanan ku ta usa den práktika di maneho finansiero no ta sali for di Rft, sino a amplia poko poko for di 10-10-’10. P’esei segun Van Den Heuvel Kòrsou no ta duna kuenta di normanan kla i fiho. Por lo demas e pais no tabata kontra e supervishon finansiero.

Bon maneho struktural
Ministerio di Asuntunan Interior i Relashonnan den Reino (BZK) a bisa ku ainda Kòrsou no a kumpli tres aña tras di otro ku e eksigensianan di Rft. E supervishon finansiero lo kaba te dia ku tin un maneho strukturalmente bon. Pa esaki ainda tabata trempan.
 

Ounke Kòrsou ta riba bon kaminda, ni Algemene Rekenkamer ni e accountant interno no a duna niun deklarashon di aprobashon pa un kuenta anual.

Na 2012 ainda gobièrnu di Kòrsou a haña un instrukshon pa pone su propio finansanan na òrdu. Segun e huisio di Raad van Syate esaki ta sufisiente pa hustifiká e desishon ku a tuma.

Komprobashon adelantá
Por lo pronto a prolongá e supervishon finansiero ku tres aña. Si akaso nan lo a pèrde e kaso aki Kòrsou ker a bini na remarke pa un komprobashon adelantá. Despues di e siklo di presupuesto di 2015 lo a wak di nobo si por a kanselá e supervishon finansiero. Raad van State ta haña ku ámbos partido mes mester negoshá despues di e huisio aki.

Outor Pieter Hofmann