E Poliklinika ta kuadra ku e struktura di Birgen di Rosario , pasobra e institushon ta speshalishá den kuido di hende grandi – portrét: Dulce Koopman
WILLEMSTAD – Despues di hopi aňa di papiamentu i preparashon, porfin Kòrsou ta hana su promé Poliklinika di Memoria (Geheugenpoli), pa diagnostika malesnan relatá ku memoria. Fundashon Birgen ta e instansia ku ta habri e poliklinika ku awor ta bira posibel pasobra e Fundashon a haňa espasio finansiero.
Mientrastantu gobièrnu a kumpli ku e obligashonnan ku e tabatin ku e fundashon konforme veredikto di hues relashona ku kasonan den korte for di 2009. Gobiėrnu a paga 1.6 mion florin. E pago aki i tambe reorganisashon di Fundashon Birgen di Rosario, a redusi e gastunan enormemente. Konsekuentemente a usa e plaka ku a spar pa drecha e kalidat di kuido.
Dulce Koopman a kombersa ku Eduard Elenora
Kompronde e situashon
E ‘Geheugenpoli’ lo ta situa Birgen di Rosaria na Weg naar Welgelegen. E Poliklinika ta kuadra ku e struktura di Birgen di Rosario , pasobra e institushon ta speshalishá den kuido di hende grandi. E Poliklinika ta algu hopi bon pa prinsipalmente famianan ku konfronta un situashon di no ta kompronde kiko ta pasando ku memoria di nan hende grandi.
Eduard Eleonora, direktor di Fundashon Birgen di Rosario:” Na momentu ku hiba e persona na e Poli di Memoria, tur e speshalistanan lo wak e pashènt pa despues duna un diagnostika”.
Outor Dulce Koopman