René Herdé ta papia tokante e situashon na Venezuela
DEN HAAG – E parlamentonan di Aruba, Kòrsou, Sint Maarten i Hulanda awe riba e di dos dia di e Deliberashon Interparlamentario di Reino (IPKO) a palabrá e situashon prekario na Venezuela. Un pregunta importante ta kon ta trata ku e konsekuenshanan di esaki, ku por sinti kaba riba e islanan.
Segun e miembro di Staten arubano René Herdé tin mas i mas atrako ‘liá na seudoturismo’ for di Venezuela. E ke men venesolano ku ta keda riba un di e islanan ABC, ta kometé un òf mas krímen, i ta baha bai nan pais bèk rápidamente.
André Bosman (Hulanda) ke pa e islanan pèrkurá pa e struktura legal ta na òrdu. E ta haña ku ta un bon plan pa introdusí deber di visa pa venesolano pa asina tene refugiado afó na frontera.
Areglo ESTA
E islanan no ke esaki. “E ora ei bo ta sera sierto porta, pa turista i invershonista”. Alex Rosaria (Kòrsou) ta bisa. “Ademas, refugiado riba barku no ta aster visa. Sino nunka kubano lo no a bai Merka.”
Sí Rosaria ta boga pa un skrinmentu reforsá na frontera. Na lugá di un obligashon pa tin visa e ta pensa na un areglo ESTA manera Estádos Unídos konosé.
Kapasidat di akohida
Herdé ta haña ku e kapasidatnan físiko i organisatorio di su isla ta muchu chikí. Lo el a preferá di manda refugiado bai paisnan mas grandi ku mihó previshon, pero esaki no por asin’asina. Tambe ta parse manera e instanshanan outorisá den e paisnan envolví ta kompartí poko informashon. Esaki parsialmente tin di hasi ku e sensitividat di e tópiko.
Venezuela
Mayoria di pueblo venezolano ta biba bou di e márgen di pobresa. E pais ta hañ’é den un krísis polítiko, ekonómiko i sosial profundo. Kriminalidat ta ekstremadamente haltu .
Outor Pieter Hofmann