Sir Richard Branson – Potrèt: Today/Milton Peters
PHILIPSBURG – E empresario britániko Sir Richard Branson djárason a elogiá gobièrnu di Sint Maarten, pasobra un dia promé nan a disidí di prolongá e areglo pa un parke reservá pa tribon pa un temporada indefiní.
Branson a ekspresá su elogio durante un konferensha di prensa djárason na Sint Maarten tokante protekshon di tribon den besindario di Sint Maarten. Na 2012 Sint Maarten a firma un akuerdo pa e parke reservá pa un temporada di dies aña. Branson a enkurashá Grenada, Islanan Kaiman i Kòrsou tambe pa parkenan reserva ku t’ei kaba òf ku lo bini pronto.
“Pa e gobièrnunan aki tribon bal mas bibu ku morto”, Branson a bisa. “Nos ta enkantá i enkorashá pa e akshonnan ku kurashi aki pa protehá e ekosistemanan karibense. E oséanonan lo no tabata meskos sin tribon i manta. Mundialmente ta mata tribon dos bia mas lihé ku nan por prokreá.”
Barku krusero
Despues di e elogio e multimionario a pasa palabra pa otro hende. A laga un pregunta tokante e efekto di e plannan di Virgin Group pa bira aktivo den turismo krusero pa Luke Warwick, direktor di Pew Charitable Trusts kontestá. Segun Warwick no ta barku krusero ta e problema pa e menguamentu di e populashon di tribon: “Tin hopi faktor ku ta konta, pero e problema di mas grandi ta piskamentu di mas.”
Dieskuater parke reservá
Ku e kreashon di e parkenan reservá pa tribon den kuater hurisdikshon karibense e kantidat di parke reservá pa tribon na mundu ta bira dieskuater. Huntu nan tin un superfisie di 15.5 mion kilometer kuadrá.
Outor Hilbert Haar