E dokumentonan ku a pidi tokante dunamentu di supsidio na MAAPP i seguidamente e malversashon di e presidente – potrèt: John Samson
DEN HAAG – Ministerio di Asuntunan Sosial i Labor (SZW) na Den Haag por lo pronto ta stòp ku e reklamo di un 80 mil euro na froude ku supsidio serka e protektor di interes antiano MAAPP. Asina e ministerio a laga sa.
E direktiva no ke ta responsabel pa e froude di nan presidente ku ya tin kasi kuater aña fugitivo. Na ministerio awor ta insistí pa totalmente apsolvé e plaka di supsidio ku a disparsé i ku tabata pa trato di hóben antiano-hulandes ku hopi riesgo. Esaki a sali for di dokumento ku a pidi serka e ministerio.
Presidente a kometé froude
E kaso di froude serka e instansha pa interes antiano MAAPP a sali na 2012 ora ku a sali ku e fundashon no por a responsabilisá 79.752 euro na plaka di supsidio. E miembronan di direktiva a mustra riba nan presidente Raymond Labad. E lo a pasa e plaka pa su kuenta privá.
“E tesorero a entregá e pas di banko di MAAPP na Labad pa atendél e transakshonnan koriente. Pero despues a bin sali ku den e lunanan ku Labad tabatin e pas di banko e tabata hasi transakshon sin informá direktiva”, segun e direktiva. E presidente di MAAPP di skòrs no ta inskribí mas na munisipio i tin kasi kuater aña fugitivo.
Ministerio Públiko (OM), ounke direktiva a denunsiá, no a sigui ku persekushon. Ta vago pakiko nò, asta ora puntra. Hustisia ta laga sa ku nan no por duna klaridat ainda. SZW tampoko no ke tin nada di hasi ku e presidente anterior i ta mustra riba OM i e fundashon mes: trato di Labad pa ministerio ta algu entre MAAPP i OM.
Ken ta responsabel
Formalmente ta direktiva di MAAPP ta responsabel na final pa e plaka di supsidio. Pero e miembronan di direktiva ta bisa ku nan no tin nada di hasi ku e froude i nan no ke pa tene nan responsabel personalmente tampoko.
Ora a deskubrí e iregularidatnan tabata difísil pa su mes miembronan di direktiva pa alkansá Labad. Ora ministerio a subi e preshon, direktiva a disidí pa laga Labad firma un deklarashon kaminda e ta eksonerá e sobrá miembronan di direktiva di responsabilidat pa e plaka di supsidio ku e fundashon a risibí.
Den un prosedura segun derecho sivil entretantu a kondená Labad na pagamentu di 133.000 euro. Pero tanten ku no por haña Labad, deurwaarder no por ehekutá e sentensia.
Apsolvé òf sigui pèrsiguí?
Na ministerio di SZW for di 2013 ta kontemplá apsolvé MAAPP di e plaka di supsidio ku a disparsé, esei a sali for di e dokumentunan. Na novèmber 2015 a insistí mas fuerte atrobe. Na final MAAPP lo a tende promé ku fin di aña. A disidí pa atrobe fris e reklamo.
For di e dokumentonan a sali ku no por haña nada bèk serka Labad òf e fundashon. E gastunan di deurwaarder pa Labad ta pa kuenta di ministerio. E desishon pa apsolvé tur kos, segun un nota di novèmber 2015 lo ta hustu tambe pa e ‘koperashon boluntario’di e miembronan di direktiva i nan eksonerashon serka preguntanan di Kamer.
Si ministerio sera e fail esaki ke men ku e fundashon por anulá su mes. E ora ei formalmente e miembronan di direktiva no tin e problema mas ku nan mester paga e plaka di supsidio ku a disparsé bèk. E ora ei nan no tin nodi di buska Labad mas tampoko.
Aworakí tambe SZW por skohe konsientemente pa no keda sin kastigá Labad, entre otro si buska e èks presidente. Pero un opshon asina ta kosta muchu hopi plaka i e resultado segun e konseho ta “masha insigur”. Porfin ta ‘improbabel ku lo por tin algu di kobra’ serka e èks presidente. E término hurídiko pa kobra ta kaduká na 2017, pero por prolongá esaki si esaki sosodé na tempu.
‘Un riesgo polítiko’
Si ministerio di SZW disidí tòg di apsolvé e e kobramentu di MAAPP, ministerio konsientemente ta desviá di su mes reglanan. Un ámtenar ta skibi tokante e apsolushon: “Si esaki bira públiko, lo sigui pregunta nobo den Kamer i esei ta un un riesgo polítiko.”
For di e mesun nota a sali ku ta hopi bia tras di otro o kometé eror na ministerio. MAAPP por ehèmpel a haña informashon sin tin nodi tokante di e siguiente pasonan di gobièrnu: ‘Informá mesora ta pone ku nada mas no ta drenta riba e kleim i p’esei no por hasi esaki.’
Outor John Samson