Bondscoach Steve Janssen – potrèt: Pieter Hofmann
HAARLEM – E Tim di Reino a gana final di e siman di beisbòl (HWH)na Haarlem . Awe Oranje tabata muchu fuerte pa Hapon ku 2-0. Pa e selekshon di bondscoach Steve Janssen e preparashonnan pa Kampeonato Oropeo (EK) a kaba.
Niun di e dos timnan no a duna otro un chèns i pa largu tempu a keda 0-0. Ta te den e di shete inning Oranje a skor dos bia. I esei a bira e skor final tambe: 2-0. Janssen “E diferensha a sinta den dos eror chikí di Hapon den di shete inning. Nos a kastigá esei tur ku tin.”
Preparashon pa Kampeonato Oropeo
E EK (Kampeonato Oropeo) di beisbòl ta tuma lugá di 9 te ku 18 di sèptèmber na Hoofddorp. Ku bista riba esaki e Siman di Beisbòl na Haarlem ta un momento importante pa midi. Lo agregá profeshonalnan ku na Merka ta hunga riba nivel di Major League, na e selekshon di e Tim di Reino.
Jansen no ke tende di preshon èkstra komo pais organisadó. “E preshon semper ta haltu. Úniko kos ku Hulanda por hasi ta gana EK, òf mihó bisa: nos no por gana EK, pèrdè so nos por pèrdè. Si nos no bira kampion oropeo, nos a faya.”
Outor Pieter Hofmann
Yurendel Decaster ta hisa e trofeo di Honkbalweek Haarlem (HWH) na laira – potrèt: Pieter Hofmann