Studiante pa dòkter di mucha Karolien van der Maele den ‘Family Room’ ta atendé un pashènt chikí Potrètnan: Dick Drayer
WILLEMSTAD – E hòspital nobo a reservá espasio si pa ofresé e funshonalidat di un Ronald McDonald house òf familyroom. Esei bosero di USONA Jacques Heijde ta bisa. “Nos a asta deliberá ku e karidat ku e mésun nòmber tokante kon mester usa un espasio asina.”
Konseho di minister ainda mester disidí si mester okupá e lugá ei ku un Ronald McDonald house mes. E siman aki un notisia di konseho di minister a lèk ku lo a disidí di tene e klup aki afó di e hòspital nobo, pasobra e nòmber ta liá na e kadena di fastfood McDonalds i esei lo ta un asosiashon malu pa mucha.
13 porshento
Claudia Rigaud, direktor di fundashon Ronald McDonald, ta bisa ku un parti di e 200 mil florin nesesario pa start den e hòspital nobo a drenta kaba.
“E eksplotashon aktual den Sehos bieu pa 13 porshento ta di spònser pa e kadena di fastfood McDonalds. Ke men pa bisa ku aki nos ta bende hamburger, ta ko’i kèns.”
Intrankilidat
E intrankilidat bou di e 35 boluntarionan ta grandi si. Meskos ku e personal enfermera i e dòkternan di mucha nan no por imaginá nan mes ku nan lo no t’ei ora entregá e hòspital nobo na mei 2018.
Dòkter di mucha Karolien van de Maele lo no t’ei di tur manera, e ta studiando. P’e mester tin un previshon manera esun di Ronald McDonald house. “Kisas por sin dje pero bo ke duna e kuido optimal pa bo pashènt i mayornan ta mester por ta envolví den esaki.”
Mayornan
Un di e 3000 mayornan ku for di 2012 a drenta pa akohida ta Dayanara Paulina Blessing. Su yu muhé na aña 2012 ku 3 aña di edat a haña kanser i tur dos a haña akohida den Sehos den e Ronald McDonald Family Room ku a kaba di habri.
“Loke promé minister Whiteman no ta realisá” Dayanara ta bisa, “ta ku un mucha malu ta brua henter bo bida. E kos ei ta envolví henter famia. Esei ta difísil i hopi pisá. “
Entretantu su yu tin shete aña i e pronóstiko ta bon. “I ainda mi ta masha wèlkòm na Ronald McDonald den Sehos, ora mi pasa pa kòntròl. Nan ta manera famia pa mi. Esei no mag bai pèrdí.”
Outor Dick Drayer