Emsley Tromp | Potrèt Dick Drayer
WILLEMSTAD – Hustisia djárason meinta a invadí kas di Emsley Tromp. Segun un deklarashon di Ministerio Públiko (OM) ta sospechá e presidente di Banko Sentral di Kòrsou i Sint Maarten di froude di belasten.
OM ta enfatisá ku e investigashon no tin nada di hasi ku su funshon di presidente di banko.
Ondermijningsteam spesial di RST, e Recherche Samenwerkings Team ku ta investigá kriminalidat pisá ku ta pasa frontera, a hasi e invashon.
Hustisia a invadí tambe e ofisina di trùst United Trust di empresario Gregory Elias. Emsley Tromp ta nan kliente. Elias mes no ta sospechoso den e kaso aki, segun Norman Serphos di OM.
Den media lokal anteriormente kaba a sali notisia tokante e finansanan privá di Tromp. Asina lo duna un fiansa di 3 mion dòler sin pant na su amiga, di kua un parti a pasa pa su mes fondo di penshun. Aworaki tambe tin sospecho di pasamentu di plaka pa fondonan di penshun privá.
Mal nòmber
E zomer aki Tromp a haña mal nòmber despues di publikashonnan den Het Financieele Dagblad. E korant a haña un rapòrt sekreto di Nederlandse Bank mira. Lo a sali ku a pluma e aseguradó Ennia bou di supervishon di Banko Sentral ku ta bou di mando di Tromp.
Den un reakshon e minister di Finansa di Kòrsou, José Jardim, i e di Sint Maarten, Richard Gibson, a eksihí un investigashon di integridat di Tromp su aktividatnan pa Servisio di Seguridat. Esaki a kuminsá entretantu. Kòrsou i Sint Maarten ta huntu den un Union monetario ku un Banko Sentral.
Outor Dick Drayer