Fernando Halman – potrèt: Pieter Hofmann
AMSTERDAM – Bon mirá Fernando Halman (35) lo a studia lei. “Ta mi mama tabata ke. Pero mi di: mi mester duna oido na mi muzik.” Entretantu e Amsterdammer arubano bibá na Amsterdam a bira e representante di muzik urban i e tin un show di radio meinta na e emisora di radio FunX. Ademas e ta produktor i aktor di bos.
Kua di e papelnan ei e ta hunga mas mihó? Halman: “Bon pregunta. Mi ta toka muzik i ta for di muzik tur kos a sali.” Halamn tabata toka muzik ora el a duna su nòmber pa partisipá na e programa di televishon Hey DJ (2004) El a yega final i a resultá na FunX.
Dia di trabou
Den siman e ta lanta tres or di mardugá. “Kuartu pa kuater mi ta den trein pa bai Rotterdam. Laptop den skochi, mi ta desayuná tambe den trein. Kuartu pasá di sinku mi ta den studio, di 7 pa 10 mi ta hasi e show. Tin bia mi tin talento lokal manera Ronnie Flex, pero mi ta papia ku polítiko tambe. Por ehèmpel mi a yega di tin promé minister Mike Eman den show.”
Roots
Halman a lanta den Amsterdam-Oost. “Mi a nase aki ma tur dos mi mayornan ta bini di Aruba i regularmente mi ta bai bèk bai bishitá mi ruman muhénan. Tur dia mi ta sinti mi rubiano, mi ta kere esei ta e sous èkstra ku mi ta bini kuné. Mi a pensa pa tene un Dia di Aruba na radio pasobra mi tabata haña ku e oyente mester siña konosé mi roots.
Urban
Entretantu Halman tin mas ku dies aña ku ta e ta e kara di urban – komo dj i produktor. Halman: “Semper mi ta aktivo ta deskubrí talento nobo. Mi ta tene mi oreanan habrí i mi ta pone atenshon na e kalidat na lugá di e momento ku un hende tin éksito. Mi ta spera di duna hende un plataforma ku mi orea. Ta asina tambe mi a inventá NandoLeaks, un item chikí den e show di un minüt i mei, dos minüt. E ora ei mi ta laga hende skucha muzik ku no ta den mi playlist.”
NandoLeaks tin un website tambe, kaminda Halman ta pone muzik nobo no konosí. E no ta gana plaka kuné, pero sí credit pa su plataforma. “Mi meta aki na mundu komo komunikadó ta pa yuda hende ku na e momento ei no tin un bos. Mi ta kere den konektá. Muzik por hasi esaki.”
Rekonosementu
Tòg urban ta haña tiki rekonosementu di mainstream. Tabatin yen di reakshon zür ora e kolektivo urban New Wave aña pasá a gana e premio Pop. Halman: Hopi tempu a pensa di urban ku e no tin derechi di eksistí. Pero e evolushon di teknologia a trese un grupo nobo ku ta stream muzik. Esaki a eksplotá. Broederliefde a kue 700.000 stream den un dia ku nan albùm Hard Work Pays Off 2, ku a pone hende manera Beyoncé un banda. E movementu tin asina tantu forsa ku mainstream no por ignor’é.”
Outor Pieter Hoffmann