Grupo di manifestantenan contra union civil. Patras di nan na canto di caminda e contra-protesta di miembronan di comunidad LGBT – potrèt: Ariën Rasmijn
ORANJESTAD — Oponentenan di e amienda pa union civil den cual parehanan di mesun sexo por formalisa nan relacion a tene un manifestacion ayera na Oranjestad den cual nan a entrega un peticion serca prome minister Mike Eman.
E manifestantenan a pasa dilanti e miembronan di comunidad lgbt cu tabata para canto di caminda cu banderanan di regenboog. Na e momento ey no tabatin confrontacion entre e dos gruponan.
E grupo chikito di manifestantenan kier pa e amienda ni wordo presenta durante tratamento di Codigo Civil Nobo. Ambos Desiree De Sousa-Croes e parlamentario cu lo entrega e amienda y Maikel Kelly cu a organisa e contra-demonstracion ta mustra riba hecho cu e manifiesto contra union civil ta equiboca esaki cu matrimonio di mesun sexo.
Representantenan di e grupo a wordo invita pa prome minister Eman pa entrega nan manifiesto serca dje den su oficina. Eynan nan a haya di compronde di e prome mandatario tambe cu kizas nan lo por ta confundi riba e enbergadura di e amienda cu ta wordo proponi.
Autor Ariën Rasmijn