E debate polítiko-ekonómiko tabata bon bishitá - potrèt: Elisa Koek

E debate polítiko-ekonómiko tabata bon bishitá – potrèt: Elisa Koek

WILLEMSTAD – Ta drùk durante e debate ekonómiko anual den e aula di University of Curaçao. Interesadonan di tur edat i formashon a bini huntu pa tende kiko kua partido ke bai hasi, sperando di por hasi un bon eskoho di voto asina pa 30 di sèptèmber.

Elekshonnan 2016, Ret Karibense ta presentá e partidonan: Parti 9 PAR

Elekshonnan 2016, Ret Karibense ta presentá e partidonan: Parti 9 PAR

Pa Ryan di 41 aña di edat e asuntu ta kla kaba: e ta ‘hel’, manera e mes ta bisa. “Ya pa hopi aña i nunka mi a arepentí. PAR sa kiko e ta hasi, ami no ta komprondé kon tin hende ta wòri mes ku otro partido”, e ta bisa hariendo.

Ryan no ta e úniko ku, en realidat, no ta duda. Aimee, di 22 aña di edat, tambe ta sigur ku su voto. E aña akí e ta pará tras di prinsipalmente e númber 3 riba e lista: Eugene Ruggenaath. “Ta poko hende tin di ken nos por bisa ku realmente nan a logra algu den e último añanan: tin krisis i nos polítikonan tin tiki espasio. Tòg mi ta hopi satisfecho ku Eugene: el a hasi bon kos, ta íntegro i sa kiko e ta hasi. E partiso akí ta para pa integridat.”

Íntegro
Integridat ta e palabra klave, PAR mes ta bisa. Pa loke ta esaki, nan ta riba un liña ku nan simpatisantenan. Dilaidy (39) no a vota pa PAR biaha pasá, pero e ta skohe pa e seguridat di gobernashon íntegro. “Klaro ku bo no por ta di akuerdo semper ku un partido: tur hende ke kosnan otro tambe den su bida i p’ esei mi ker a purba algu distinto un biaha. Mi no ta hasi esaki mas, pasobra kada partido ta parse di ta riba yenamentu di nan mes saku.”

“Tempu ku PAR tabata na mando, kos tabata bai bon ku Kòrsou”, Dilaidy ta kontinuá bisando. “Hamas kos tabata un drama manera awor.”

Outor Elisa Koek