Potrèt: John Samson
DEN HAAG – Partidonan di koalishon VVD i PvdA ta aliviá ku e resultado di elekshon na Kòrsou. E miembronan di parlamento ta sali for di e punto di bista ku ‘polítiko korupto’no por forma gobièrnu.
Na Kòrsou MAN di Hensley Koeiman komo sorpresa a sali e ganadó, ku un diferensha di 400 voto ku MFK. Parlamentarionan tabata masha prekupá ku Gerrit Schotte (MFK) lo a bini na mando atrobe despues di e elekshonnan aki. E èks promé minister a spera un ganashi amplio. Pasobra el a apelá den un kaso di korupshon grandi, e por a partisipá na elekshon. Anteriormente a konden’é pa froude, labamentu di plaka i falsifikashon di dokumento. E miembronan di parlamento ta negativo tambe kontra e nobato Amparo dos Santos (KDNT)
Ta posibel ku ta bini un rekonteo
Den un promé reakshon Schotte a felisitá e partido ganadó, pero el a bisa si ku e ta bai pidi un rekonteo, pa motibu di e diferensha chikí. Esei ta remarkabel pasobra ainda mester presentá e resultado ofishal. Parlamentario André Bosman (VVD) ta sali for di e punto di bista ku no tabatin nada iregular. “Mi ta haña lástima sí ku no tabatin un un mishon di opservashon di elekshon. Lo mi tabata tin gana di a mira esaki sosodé.”
Speransa den MAN
Na Den Haag MAN sosial-demokrátiko ta konosí komo un partido konstruktivo, a sali for di un gira di informashon. Pa PvdA ta ‘eksepshonal’ ku ‘e partido ruman di ántes’ MAN a bira esun di mas grandi, Roelof van Laar ta bisa. Segun e miembro di parlamento e partido ta riba un rumbo nobo i bon, i no manera entre 2010 i 2012 ku nan a bai goberná ku MFK i PS. Último añanan e miembro di Tweede Kamer di SP Ronald van Raak kada bia tabata bini ku publikashonnan di opinion krítiko den medionan di komunikashon tokante Schotte, korupshon i e industria di guèmbel. E ta haña ku ta bon ku e parlamentarionan na Hulanda ta mete di e manera aki den polítika lokal na Kòrsou. “Naturalmente no ta ami ta disidí den e eskohonan polítiko di e isla. Pero tanten ku Kòrsou ta den Reino, mi ta ko-responsabel si pa bon gobernashon i pa mantenshon di e estado di derecho.”
Trata pobresa
E koalishon nobo mester hasi lihé ku e tratamentu di pobresa na Kòrsou, e asosiashon ku ta sali na interes di antiano OCaN ta bisa. Presidente Glenn Helberg, ku na nòmber di e organisashon ta intermediá ku gobièrnu hulandes, ta mira kon Yu di Kòrsou pober ta emigrá pa Hulanda. Hopi di nan segun e ta haña nan den problema, pasobra nan tin difikultat pa establesé òf kuminsá traha.
Outor John Samson