Kargamentu di material di konstrukshon pa Haiti | potrètnan Peter Bijpost
WILLEMSTAD – Marina Real den Área Karibense ta na kaminda pa Haiti. Ei e ta bai trese e ayudo di emergensia despues ku orkan Matthew a pasa riba e isla i a kousa un daño enorme. Pa promé bia komersio di Kòrsou tambe a duna un man. Un almasen ku ta bende material di konstrukshon ku tin hopi haitiano ta traha p’e a duna material di konstrukshon básikoi a yuda karga Zr. Ms. Pelikaan. Outoridatnan haitiano a pidi gobièrnu hulandes pa ayudo. Minister Hennes-Plasschaert di Defensa i Ploumen di Komersio den Eksterior i Koperashon di Desaroyo a primintí ayudo.
E barku di stashon di Marina, Zr. MS. Holland a sali for di Kòrsou djadumingu anochi. Na bordo tin e tripulashon fiho di 75 hende i diferente otro tim. Manera un tim hidrográfiko ku lo traha mapa di e kamindanan pa nabegá i e hafnan. Tambe tin médiko èkstra i enfermera militar ku a bai. Tin un tim di genista di ehérsito na bordo ku ta spesialisá den inventarisashon di e daño ku a sufri. Spesialistanan di Krus Kòra tambe a bai ku nan.
Sosten lokal
Frank Hoenderkamp ta kordiná e suministro di material di konstrukshon for di un almasen lokal na Marina. “Tur hende a mira e imágennan, tur hende ta lesa korant. Si bo mira kiko a pasa ku hende aya, e ora ei loke bo disidí ta sin límité. Nos tin haitiano ta traha pa nos, e akshon aki ta pone nos sinti bon.
Maartje van der Maas, bosero di Marina ta bis ku e sosten lokal aki pa ayudo di emergensia ta pa promé bia. “Ta un situashon eksepshonal tambe. Algun skol básiko tambe a aserká nos si nos ke hiba kos ku nan ta bai kolektá.”
Kargamentu di Zr. Ms. Holland
Awa di bebe
Banda di material pa konstrukshon lokal Marina ta hiba paketenan di ayudo di emergensia tambe ku material di konstrukshon pa saka restunan di demolishon for di kasnan i kamindanan. I tin shelterbox tambe na bordo. Den esakinan famianan ku a pèrde nan kas por biba pa un temporada kòrtiku. Banda di esaki e barku ta bai ku kantidatnan grandi di awa i kuminda simpel pa parti. Marina por traha kantidatnan grandi di awa di bebe fresku for di awa salu di laman.
E barku di marina ta hiba e promé karga di hende i artíkulo pa Haiti. For di Kòrsou ta mas o ménos un dia i mei riba laman. Entretantu djadumingu a karga e barku di transpòrt Zr. Ms. Pelikaan na Kòrsou ku èkstra artíkulo i hende. E barku aki sali awe meinta trempan pa Haiti. E personal di defensa den área karibense lu duna espesialmente ayudo di emergensia den sùitwèst di e isla, kaminda e orkan a hasi mas tantu daño i víktima.
Den relashon ku UO
UO ta pone e barkunan Pelikaan i Holland disponibel pa ayudo na Haiti i nan lo keda un siman di tur manera. Ei na Haiti NU i UO lo kordiná e ayudo di emergensia. E gastunan di e mishon humanitario aki ta pa e bùdjèt di ayudo di emergensia di minister Ploumen. E kontribushon aki ta bini riba e 750.000 euro ku Hulanda a kontribuí kaba via Krus Kòrá na e ayudo di emergensia pa Haiti,
Outor Dick Drayer