E seru di asbèst ilegal dilanti riba e potrèt – potrèt: Jaap de Vries
ORANJESTAD – Na lugá ku e doño anterior di e refineria – kompania di zeta Valero – limpia e asbèst manera a palabrá, awor, riba nan mes tereno, rápidamente ta ampliá e lugá di basha sushi ilegalmente ku kònteinernan yen di material ku ta kontené asbèst i otro sushi industrial. Ounke ainda ta ilegal, ni gobièrnu ni hustisia no ta intervení.
Minister di Medio ambiente Mike de Meza a primintí ku e lo tene e doño anterior Valero na su palabra ku e lo limpia e asbèst. Vise presidente Martin Parrish di e kompania merikano a primintí ku nan lo a solushoná e asuntu. Pasobra e tiramentu di asfalt na e landfill di e refineria ta ilegal. Esei gobièrnu tambe ta rekonosé; nunka no a duna un pèrmit pa esaki.
Un reportahe di vidio di Sharina Henriquez
Seru di asbèst
Ku hopi spantu e habitantenan di e bario pegá Lago Heights – ku na 2005 ta hañ’é ku bashamentu di sushi – ta mira ku ya tin simannan largu ku ta basha mas asbèst. Ta nan mes a ripará despues, ku di repente nan a mira hòmber bistí na trahe protektor blanku ta traha riba e seru di asbèst.
Promé nan a kere ku ta limpia nan a bin limpia e sushi. Pero rápidamente e habitantenan pa nan spantu a mira ku ta mas sushi a bin basha aseka i ku e seru di sushi a bira mas haltu. Te awe no a informá e habitantenan. E servisionan di gobièrnu tampoko no tabata na altura. Esaki a sosodé numa te ora ku un habitante, Jaap de Vries, a informá nan tokante di e asuntu.
Asina por ehèmpel e Servisio di Inspekshon Tékniko (DTI) no tabata sa nada miéntras ku segun e Reglamentu di Asbèst, ku nan mester supervisá, ta prohibí pa sin pèrmit di minister di Hustisia òf un ámtenar ku el a designá kita òf limpia asbèst.
50 kònteiner di asbèst
De Vries ta manda un karta pa minister di Hustisia Arthur Dowers pa para e bashamentu di asbèst mésora, pero te awe e no a haña un reakshon. Entre tantu DTI a bai wak i nan a yega na e konklushon ku en bèrdat ainda ta dùmp asbèst. Nan tampoko no ta aktua i solamente ta konstatá ku tin ku dera ’50 kònteiner di asbèst’ ainda.
E kònteinernan di asbèst ei, tur no tabata tapá i a para ei añanan largu, ku entre otro mas material ku ta kontené asbèst di 2012 ora ku Valero tabata basha kas bashí abou.
Lesa aki e di dos parti tokante asbèst, e historia di famia De Vries : ‘Biba kaminda ta tira asbèst’.
Outor Sharina Henriquez