Minister demishonario Ruthmilda Larmonie-Cecilia | Potrètnan: Dick Drayer
WILLEMSTAD – Tres minister di Pueblo Soberano tras di otro, kontra di lei, mes a firma pa 8.001.719 florin di gastu na 2014 i 2015. Asina Kontraloria General ta bisa den un rapòrt ku ainda ta sekreto. E Konsepto di e rapòrt di investigashon di Registro di Mandato vershon di juli 2016 ta den man di Ret Karibense.
Èks minister Jeanne-Marie Francisca, promé minister demishonario Bernard Whiteman i minister demishonario Ruthmilda Larmonie–Cecilia, ku tabata minister i minister interino di Desaroyo Social, Labor i Bienestar (SOAW) huntu a firma 696 bòn pa bestèl kos. Mayoria di e bònnan tin e firma di e minister demisionario aktual Larmonie
No tin outorisashon pa firma
Ministernan no tin outorisashon pa firma. Nan ta na altura di esaki. Ministerio di Finansa riba 15 di desèmber 2015 enfátikamente a bisa tur minister ku nan no por drenta kompromiso,
Den por lo ménos un kaso a ‘alsa’ un proyekto di 80 mil florin hib’é 303.405 florin. Ku e plaka no a finansá e trayekto di siñamentu (Mi Fishi) manera tin para den presupuesto, sino a kumpra aparato nobo i un outo pa Interieurtiek Saab BV, e karpinteria di Sydney Isidora, e kasá di e number 9 riba lista di Pueblo Soberano, Chimene Isidora-Colina.
Èks minister Jeanne-Marie Francisca (PS)
Registro di Mandato
Algemene Rekenkamenr mas trempan e aña aki a start un investigashon di e outorisashon pa firma di ámtenarnan, manera ta reglá legalmente, pasobra tabatin un sospecho ku hende no outorisá tabata drenta den obligashon finansiero na nòmber di gobièrnu.
Mester registrá e outorisashon di firma legalmente den un asina yamá registro di mandato. Kompanianan i personanan privá ku ta entregá produkto i servisio na un ministerio tin e obligashon di kontrolá si e firma riba e bòn ta outorisá.
E legisladó a disidí ku den e kaso ei gobièrnu por apelá na e imbalides di un akuerdo. Pero e legisladó a disidí tambe ku si no publiká e lista regularmente, gobièrnu no por sali for di su obligashon.
Riesgo
Segun Kontraloria General gobièrnu ta kore un riesgo enorme, pasobra a bin sali ku shete di e nuebe ministernan a drenta den obligashon finansiero ku no ta di akuerdo ku nan outorisashon.
Den e investigashon ademas a sali ku tin inklaridat serka e ministerionan tokante loke ta komprondé bou di e registro di mandato. Niun hende no sa tampoko unda mester públiká esaki. Ademas e ministerio di Finansa kada seis luna ta pidi un update si, pero si esaki no bini nan no ta sigui pidi.
Promé minister demishonario Ben Whiteman
E ministernan menshoná di SOAW i Salubridat Públiko, tur dos di Pueblo Soberano, strukturalmente no tabata tene nan mes na e prohibishon pa tuma obligashon finansiero nan mes. Nan mes tabata firma i ámtenarnan ku tabata mustra nan riba e prohibishon aki tabata haña nan eksiliá den ofisina chikí den bodega, leu for di e trabou ku nan mester a hasi. Esaki algun ámtenar envolví ta konta.
Rekomendashonnan
Kontraloria General ta insistí serka Konseho di Minister pa na tur ministerio kumpli ku e kòntròl interno riba e legislashon di kontabilidat. Tambe Konseho di Minister mester pèrkurá pa ministernan no por drenta den obligashon finansiero. Ministerio di Finansa mester supervisá e publikashon na tempu i kompleto di e registro di mandato.
Rekenkamer no ke reakshoná riba e rapòrt ku a lèk. No ta kla tampoko si nan lo hasi denunsia di froude manera den e kaso aki.
Outor Dick Drayer