Astrid McKenzie (PLP) durante un spich na sèptèmber tokante supuesto sabotahe di su propio ámtenarnan
ORANJESTAD – Su koalishon ku un moshon di deskonfiansa a kore ku diputado Astrid McKenzie. Esaki a sosodé djárason den un reunion di rat ekstraordinario.
Djis despues ku el a baha a huramentá Charles Wooley komo susesor. For di awor e ta enkargá ku entre otro Belasten, Finansa, Maneho di Haf i Sushi; e karteranan ku último lunanan tabata hopi desakreditá na e isla i na Den Haag.
Segun lider di partido Clyde van Putten, McKenzie lo a faya hopi i no tabata sufisientemente enérgiko kontra Den Haag den un konflikto akumulativo. Ademas koalishon ta ten’é ko-responsabel ku ámtenarnan no a risibí nan pago na tempu.
Pa motibu di mal tenementu di buki Sint Eustatius ta bou di supervishon severo di Ministerio di Asuntunan Interno (BZK). “Literalmente pa tur kos ku bo ke hasi bo mester di aprobashon di BZK.” Segun McKenzie ámtenarnan lokal a opstakulis’é miéntras ku koalishon tabata na altura. Asina ora e skibi karta pa Den Haag, segun e, kolaboradónan ta kambia e kontenido.
Djis promé ku el a baha McKenzie a avisá pa e sifránan ku e ta haña di Departamentu di Finansa. Hopi bia nan lo no ta kuadra, i asina Sint Eustatius por hañ’é den mas problema. “E mésun karanan blanku ku no bo ker a wak akinan lo bini bèk.” E miembronan di rat no a reakshoná riba e akusashonnan i splikashon di McKenzie.
Desapuntashon
Djis despues di a aseptá e moshon di deskonfiansa, gezaghebber suplente Julian Woodly a ekspresá su desapuntashon. “Loke ta pasando aki na Statia ta pone bo keda babuká. Mi no ke sigui asina, den un situashon kaminda bon mirá nada otro no ta sosodé si no ta kore ku diputado.”
Diputado nobo
E diputado nobo Charles Woodly ta haña e konseho serka e lider di koalishon pa skucha e instrukshonnan ku e ta haña di koalishon bon. Segun Van Putten e mester informá konseho insular na tempu tokante tur su pasonan, pa evitá ku ta manda e tambe kas.
Outor John Samson