Minister Ronald Plasterk di Asuntunan Interior i Relashonnan den Reino (BZK) – potrèt: Pieter Hofmann
DEN HAAG – Minister Ronald Plasterk di Asuntunan Interior i Relashonnan den Reino (BZK) a desaprobá Statia su presupuesto di 2017. Segun e mandatario e konsepto di e presupuesto no ta kumpli ku e eksigensianan legal, asina el a laga sa awe na bestuurscollege di Sint Eustatius.
Segun Plasterk e bùdjèt kalkulá pa personal ta mucha pèrtá. Tampoko no a traha espasio pa gastunan no premirá i e plan pa trata problemanan di gobièrnu no ta kubrí.
Awor bestuurscollege mester bini ku un konsepto di presupuesto nobo. Kolegio di supervishon finansiero (Cft) BES e ora ei lo saka un konseho pa sea aseptá òf rechasá e presupuesto. Te e tempu ei Sint Eustatius mester presentá tur gastunan i obligashonnan ku tin na BZK. Esaki ta e kaso basta tempu kaba.
E relashonnan entre Hulanda i Statia ta tenso. Plasterk a taha ámtenarnan hulandes pa mantené kontakto ku Sint Eustatius.
Outor Pieter Hofmann