Djasabra a konfiská un ke otro kaba na un di e promé kòntròlnan preventivo – Potrèt: KPCN
KRALENDIJK – Fiskal mayor Henry Hambeukers di Ministerio Públiko BES, a saka un òrdu ku ta laga polis listra preventivamente. Segun OM e medida a bini pasobra tin ‘hopi señal di poseshon di arma’ ta drenta. OM no ta bisa nada di un indikashon konkreto.
For di wikènt pasá un luna largu polis por listra hende , vehíkulo òf ekipahe tur kaminda riba kaminda públiko i na lugánan públiko. Ta arestá es ku no ke kumpli ku e petishon.
Mester kombatí poseshon di arma ku akshon, segun OM. Segun miembro di konseho insular Michael Pieters (DP) awor tur hende na Boneiru outomátikamente ta sospechoso.
Djabièrnè tabatin un mensahe ku polis bistí na sivil e anochi promé a lòs bala di atvertensia despues ku un pleitu ku algun bishitante di un nightclub a sali for di man. Den e akshon aki a konfiská dos arma ilegal i a arestá dos hende.
Djasabra anochi ora e medida di OM a kaba di drenta na vigor ya kaba a konfiská hopi arma di hinka i un bate di beisbòl. Tambe a haña droga durante e kòntròlnan.
Pieters ta duda e legitimidat di e òrdu di Hambeukers. E fiskal ta apelá na e Lei di Arma BES. Segun Pieters un medida asina por ta na vigor solamente pa un área limitá, ku gezaghebber a indiká komo un área ku tin un riesgo di seguridat.
No a pone Konseho Insular na altura di esaki, loke segun e miembro di konseho lo mester a hasi. Por proklamá listramentu preventivo te ku ku un máksimo di 12 ora i no pa henter un luna, Pieters ta bisa den un lista di 22 pregunta na gezaghebber Edison Rijna.
Ademas Pieters ta enfatisá tambe ku e ta pro vigilansha di seguridat na Boneiru, pero e no ta pro limitashon di libertatnan di siudadano.
Outor Gijs van den Heuvel