Fiskal mayor di hustisia Henry Hambeukers – Potrèt: Belkis Osepa
KRALENDIJK – A retirá e òrdu di Ministerio Públiko (OM) pa listra preventivamente na Boneiru despues di algun dia kaba.
Fiskal mayor di Hustisia Henry Hambeukers di OM BES a duna e òrdu djasabra ku a pasa pa un término di un luna pa henter Boneiru. Esaki a haña krítika di entre oro e miembro di Konseho Insular Michael Pieters.
E intenshon di e medida tabata pa kombatí poseshon ilegal di arma. Segun OM tabatin ‘señal’ku e poseshon di arma na Boneiru tabata oumentando. E spekulashon ku ta un insidente di djabièrnè anochi ku a pasa a okashoná e medida aworaki indirektamente ta keda konfirmá: “Resientemente tabatin algun insidente serio kaminda a menasá asta agentenan di polis den lugánan públiko ku arma di kandela.”
Pieters pa medio di pregunta a laga gezaghebber Eldon Rijna sa ku listramentu preventivo pa henter Boneiru ta un medida muchu amplio ku ta trese arbitrariedat. E tabata duda e legalidat tambe. Pa un medida asina gezaghebber mester indiká unda tin un riesgo di seguridat i por listra preventivamente solamente 12 ora tras di otro, segun e miembro di Konseho Insular.
Ta manera OM ta duna Pieters rason awor. Listramentu preventivo ta un medida drástiko ku por toka no solamente sospechosonan sino kualke siudadano.” Despues di un evaluashon OM a disidí di retirá e òrdu. “Na lugá di e òrdu pa largu tempu pa henter Boneiru den futuro den deliberashon estrecho ku polis i gezaghebber (…) lo hasi uso di òrdu ku ta limitá den durashon di tempu i den área.” Asina ainda por konfiská arma i e medida ta ‘mas di akuerdo’ ku e manera ku ta usa listramentu preventivo otro kaminda, segun OM.
Outor Gijs van den Heuvel