Trahamentu den proyekto segun Duindam ta mehorá e koheshon den klas – Potrèt: Gijs van den Heuvel
KRALENDIJK – Enseñansa di vmbo na Scholengemeenschap Bonaire (SGB) ta den un renobashon kompleto. For di ougùstùs ta duna lès den e promé aña segun e konsepto di Vakcollege, kaminda lèsnan di práktika ta para sentral.
Poko poko lo introdusí esaki den e añanan binidero den e siguiente añanan di skol. E promé resultadonan ta duna hopi speransa, SGB ta laga sa.
Konfiansa
E skol, ku a sufri hopi di problemanan di maneho i di kontenido di enseñansa, segun minister Jet Bussemaker di Enseñansa a haña e kaminda pa bai ariba. E pregunta si Vakcollege ta pas den e mehorashon di kalidat di e enseñansa e ta manda bèk pa SGB. “Esei ta un propio responsabilidat i mi ke pronunsiá konfiansa den esaki.”
E meta di mas importante di Vakcollege ta e kreashon di un liña di siña kontinuo pa mbo ku un sintonisashon mihó riba merkado di labor. Bussemaker ta aploudí esaki.: “Si e ta kuadra ku e nesesidatnan ku ta eksistí aki serka e alumnonan i e merkado di labor, e ora ei no tin nada kontra.”
Konsepto hulandes
E Vakcollege ta un konsepto di Hulanda, kaminda el a kuminsá na 2008 pasobra espesialmente e enseñansa di téknika tabata sufri di kitamentu di skol i un konekshon malu ku merkado di labor. Di e grupo inisial di 13 skol e Grupo Vakcollege a krese bira 50 skol ku ta partisipá i ku enseñansa di kuido komo di dos liña di siñamentu. Den un rapòrt di 2013 di School of Education di Eindhoven ta husga pa mayoria parti positivamente tokante e konsepto.
E investigadónan ta avisá si pa debilitashon di e konsepto didáktiko ora adaptá e kartanan di lès. SGB tambe a adaptá e kartanan di lès na e situashon na Boneiru.
Lider di tim Lennert Duindam: “E muchanan na Boneiru meresé enseñansa dirigí riba kòntèkst, adaptá na nan mundu di eksperensia.”
E konsepto ta pèrkurá pa sosiegu i struktura pa e alumnonan, SGN ta bisa. Den e Vakcollege e alumnonan ta sinta serka e mèntòr dieskuater ora den un lokal dediká na lèsnan di práktika, ku hopi bia ta den forma di un proyekto. Ei den e materia di lès di hopi materia tradishonal ta inkorporá.
Kuater aña di pasenshi
Ounke SGB no ke duna sifra eksakto tokante e promé temporada, ta bisa ku e resultadonan ‘ta mustra un adelanto masha positivo’. “Si e Vakcollege di bèrdè ta pèrkurá pa mihó resultado di siñamentu riba término largu, nos no por midi ainda. Ta te na fin di e aña di skol por bisa algu tokante esaki, pero bon mirá ta te aki kuater aña por bisa si e karera di e alumnonan ku a sigui Vakcollege tabata un mehorashon ora nan haña nan diploma.”
Pa SGB e motivashon i e bienestar total di e alumnonan ta sigur mes importante ku e sifranan. Segun e dosentenan e koheshon sosial den klas ta mihó ku ántes i tin un sintimentu mas grandi di seguridat. Esaki ta pará den e rapòrt tambe di e School Of Education di Eindhoven: “E hóbennan ta entusiasmá i motivá, e dosentenan tin ménos problema ku òrdu.”
Outor Gijs van den Heuvel