Sentenar di hende huntu ku e famianan di Mitch Henriquez a tene un marcha silensioso den Den Haag den zomer di 2015 – potrèt: John Samson
DEN HAAG – Famianan di Mitch Henriquez a kuminsá un prosedura pa trese tur sinku polis ku tabata envolví den su arestashon ku konsekuensha mortal dilanti wes. A start e prosedura ofishalmente na korte di Den Haag, e abogado di e famia ta bisa.
E turista arubano a fayesé na yüni di 2015 di violensia ekstremo ku polisnan a usa ora a arest’é. Ei a usa e asina yamá klèm di garganta. Ora Henriquez a pèrdè konosementu e polisnan a keda sin laga dun’é asistensia médiko. Su manisé el a fayesé den hòspital.
Hustisia ta pèrsiguí dos di e sinku polisnan envolví. Nan mester parse dilanti wes na aprel. Pa fòrsa persekushon di e tres otro polisnan tambe, abogado Richard Korver a start un asina yama prosedura artíkulo 12. Korte lo mester mira si Hustisia mester trata henter e kaso dilanti wes penal.
‘Sufisiente kousa pa persekushon’
Segun abogado Richard Korver ta ‘masha defensibel’pa pèrsiguí e otro tres polisnan pa homisidio, kulpa di morto i maltrato severo. Si ta na e famianan mester pèrsigui e sinku polisnan tambe pa lagamentu atras di Mitch Henriquez sin amparo.
Ainda tin un denunsio di huramentu falsu di e polisnan envoilví ta kore. Korver ta ferwagt ku lo trata e prosedura di artíkulo 12 e aña aki mes.
Outor John Samson