Apertura IPKO – potrèt: José Manuel Dias
WILLEMSTAD – “Loke nos a logra te aworakí riba tereno di oportunidatnan ekonómiko ta mas debí na nos propio esfuerso ku esfuersonan ku nos a logra huntu den Reino”. Esaki di akuerdo ku Rene Herdé presidente di komishon di asuntunan di Reino di parlamentu di Aruba durante e Konferensha Interparlamentario di Reino Hulandes (IPKO) ku ta tumando lugá na Kòrsou.
Segun Herdé te ainda hopi polítiko hulandes ta wak e islanan di Karibe Hulandes komo un peso i no komo un oportunidat ekonómiko. E splikashon ta ku Hulanda no ta konvensí di e posibilidatnan ku Aruba, Kòrsou, St. Maarten i islanan BES ta brinda. Mirando esaki e delegashon parlamentario di Aruba a proponé pa hasi un investigashon pa wak kiko ta tur e oportunidatnan ekonómiko ku tin den Reino Hulandes.
Sufisiente oportunidat
Hefe di e delegashon parlamentario hulandes Jeroen Recourt ta di opinion ku tin sufisiente oportunidat ekonómiko den Reino Hulandes. E problema segun Recourt ta ku e islanan mes no ta hasiendo sufisiente pa probechá di e oportunidatnan aki.
Un reportahe di José Manuel Dias: