WILLEMSTAD – Sentenar di siudadano awe a mèldu pa partisipá na un kaso den korte kontra e gobièrno interino aktual na Kòrsou. E inisiativa ta un koperashon entre partidonan polítiko, ofisinanan di abogado i siudadanonan ku e meta pa laga e elekshon di 28 di aprel sigui.
Awe atrobe e gobièrnu interino a trata di para elekshon i a entregá un dekreto gubernamental (landsbesluit) pa anulá esaki. Gobernador Lucille Andrea George-Wout a keda sin firma e dekreto aki i asina a destruyé.
Konvoká elekshon nobo
Gabinete Koeiman riba 12 di febrüari a pèrdè su mayoria i mésora a pidi pa desmantelá gabinete. Un mayoria nobo bou di guia di lider di MFK Gerrit Schotte e mes dia a anunsiá ku nan ke tuma ofer, pero su manisé e otronan a konvoká elekshon nobo. E mayoria nobo, konsistiendo di 12 asiento, no ta haña esaki hustu i a pidi gobernador pa retirá e desishon di desmantelá parlamento.
Ora gobernador a ninga esaki, a sigui un apelashon na Hulanda for di e mayoria nobo. Hulanda ta haña ku elekshon ta un asuntu interno i a ninga di intervení. Djaki awor ta sigui un baimentu pa Korte oropeo di Derecho Humano. Entretantu a huramentá e mayoria nobo i e minister nobo nobo di Gobernashon, Planifikashon i Servisio Públiko Norberto Ribeiro a anunsiá ku mester posponé elekshon pa motibu di un reorganisashon na Sentro Elektoral.
Kaso
Èks minister Suzy Camelia-Römer siman pasá a anunsiá ku e ta kuminsá un kaso den korte pa asina garantisá ku elekshon lo sigui. Entretantu e ofisinanan di abogado Soliana Bonapart & Aardenburg; VanEps Kunneman i Henriquez Kostrzewski Law a tuma e kaso sin gastu. Partidonan PAR, PNP, Un Kòrsou Hustu a djòin i tin kombersashon ku otro polítikonan.
Siudadano por inskribí for di djaluna 12.00 or na e ofisinanan di abogado i ta hasi bon uso di esaki. Cesar Coffi tabata un di e hendenan ku ayeratardi a pone su firma. “Mi ta haña ku ta ku suspenso si pa sali aki ku mi nòmber i mi firma, pero mester sosodé algu. Aktualmente tin hende den gobièrnu ku apénas 200 voto. Esei no ta un mayoria.”
Diktadura
George Lichtveld ta yama e akshonnan di e gobièrnu nobo un diktadura. “Bo por ta kontra un dekreto di gobernador, pero ta lei. Tin mas aki tras i nos no mester pèrmití esaki. Awor ta nan ta disidí na lugá di e siudadano.”
E inisiativanan pa laga elekshonnan sigui, ta spreit manera parasòl di zumbi. Pa medio di survey den medionan sosial a kolektá kasi 2500 firma i djamars ta sigui un demonstrashon pasífiko den kabamentu di atardi, organisá pa e lider di sindikato Kenneth Valpoort. E demonstrashon ta di 17.00 te 19.00 or dilanti Marchena Hardware.