WILLEMSTAD – Realisashon di e Kompleho di Kas pa 40 persona ku hèndikèp mental i físiko di Fundashon Totolica, despues di 5 aña ta birando realidat. Si tur kos kana segun plan, fin di otro aña e Kompleho ta kla. Asina presidente di Fundashon Totolica, Junny Harms, a revelá e siman aki, na selebrashon di e di 44 aniversario di Totolica.
E fundashon ta konfrontá pa algun aña kaba, ku un problema serio pasobra tin mayornan ansiano ku no por kuida nan adulto mas òf e klientenan ta keda huerfano, i no tin hende pa kuida nan.
Junny Harms a komentá pa Ret Karibense, riba e retonan ku Totolica tin pa e temporada benidero
Segun presidente Juny Harms, Totolica ta deseá tambe pa mayornan mas hóben bira mas aktivo i ekspresá nan deseonan relashoná ku funshonamentu di e organisashon.Mientrastantu Fundashon Totolica tin un kordinadó den persona di Miranda Fraai.