KRALENDIJK – Animalnan na Boneiru tin menos derechi ku animalnan den Hulanda europeo. Por bisa ku nan ta animal di segundo rango de e Reino. E konklushon ei Mark Erwin Vos, di Stichting Dierenhulp, ta saka for di e kontestanan di minister Carola Schouten di Agrikultura riba preguntanan di Partij voor de Dieren. E señora ta pone e responsabilidat pa bienestar di animal serka e gobièrnu lokal.
‘Esaki ta ilustrá e inkonsistensha di Hulanda ku e islanan’ – Mark Erwin Vos
Vos ta vosiferá e opinion di un grupo di organisashon pa animal na Boneiru, ku ya tin basta tempu trahando huntu. Banda di Dierenhulp, ta trata di Kunuku Kakelvers, Dierenbescherming Bonaire i DogPartner. Nan tin sosten di un di e dos veterinarionan riba e isla. Segun Vos, e kontestanan di Schouten ta ilustrá kon arbitriario Hulanda ta aserká e islanan karibense.
Kondishon di bida di galiña
Ounke e prohibishon den Union Europeo pa bateria pa pone webu (kaminda ta tene hopi galiña pegá riba otro den kouchi) no takonta pa Hulanda karibense, por drecha e kondishonnan di bida di galiña mashá bon, e organisashonnan ta haña. Na Boneiru tin un stal grandi ku band’i 10,000 galiña pegá riba otro den kouchi, ta pone webu. Na Hulanda e kos ei ta prohibí for di 2012.
Kachó na kadena sin niun kobertura ta algu frekuente na Boneiru. E kachonan akí a haña un kouchi danki na un donashon. Potrèt: Dierenbescherming Bonaire
E organisashonnan tabata basta tempu den kombersashon ku e Órgano Públiko Bonairi (‘OLB’) i e fundashon Dierenasiel enkuanto animlnan ku ta kana lòs i e legislashon pa animal – inkluso kastigunan mas haltu pa maltrato di animal. Por parte pa motibu di pleitu tokante fangumentu di kachó di kaya, e konsulta a pega. Pero Vos ta keda optimista: “Ketubai nos ta positivo, pasobra nos ta sali for di e punto di bista ku e OLB tambe por yega na otro punto di bista ainda.”
Speransa pa mantenshon
E organisashonnan pa animal, ku ta trahando huntu, a pone nan speransa entre otro riba mas mantenshon di legislashon eksistente. “Lo ta bon pa apuntá un hòmber òf muhé komo rishèshi ekstraordinario (Bijzonder Opsporingsambtenaar, BOA) puramente pa bienestar di animal.”
E asilo pa animal, ku ta drai pa 12 porshento riba supsidio di e OLB, ta bisa di ta konsiente ku mester hasi algu pa e animalnan na Boneiru. E ‘organisashon di mas bieu aktivo pa animal’ akí ke mihó edukashon i regulashon na Boneiru. Segun e asilo mester fet esaki riba e ‘situashon individual’ di e isla.
20,000 dòler pa alohamentu i sterilisashon?
Vos no ta deskartá e posibilidat ku e OLB a informá Schouten robes tokante un 20,000 dòler ku a reservá pa un kampaña di alohamentu i sterilisashon. Ta bisa ku no a primintí e sèn ei, pero Vos ta desmentí esei. Segun e, no a duna e sèn ei a konsekuensha di e kambionan di gobièrnu na Boneiru. E asilo tambe ta haña mas enfoke riba sterilisashon importante i ta ehekutá esaki kaba.
Segun Vos PVV tin planiá pa entregá un moshon e siman akí, den kua ta hasi un yamada pa duna animalnan den Hulanda karibense e mesun derechinan ku esnan den Hulanda europeo.