DEN HAAG – Boneiru mester bai buska otro manera pa haña finansiamentu pa 500 kas sosial ku ainda mester konstruí. Sekretario di estado Raymond Knops (Relashonnan den Reino) ta preferá di no laga Gobièrnu di Reino haña e responsabilidat final di e riesgonan finansiero.
Boneiru ta lucha ku un skarsedat di kas di hür sosial. Segun Fundashon Kas Boneriano mester di 1200 kas pa por solushoná e problema rònt di alohamentu sosial. E fundashon di kas tin e plannan di konstrukshon kla pa kuminsá ku 500 kas, pero e fundashon ainda no por haña un partido ku ke para garante pa 36 mion dòler.
E fundashon di biba boneriano ya añanan largu tin speransa ku Ministerio di Asuntunan Interior lo para garante. Por lo pronto e fundashon no ta haña un garantia, pasobra gabinete hulandes ke ta reservá ku kontraementu di garantia nobo, asina Knops ta skibi na Tweede Kamer. Kolehio Ehekutivo na Boneiru segun lei no por duna garantia nan mes.
Ta buska otro opshon
“E nesesidat pa sufisiente konstrukshon di kas sosial pa mi ta evidente i mi e tin e problemátika na bista”, Knops ta sigurá. Si ‘tur opshon kaba’, gabinete por konsiderá ainda pa duna e fundashon di kas un garantia.
Knops ta bisa ku awor e ke yuda na otro manera, ku buskamentu di finansiadó na Hulanda. “E investigashon aki ta kore kaba i mi a papia tokante di esaki tambe ku algun koperativa hulandes oropeo.”
Sekretario di estado ta wak polítiko boneriano
E sekretario di estado ta bisa Kamer ku e ta buska solushon pa término largu pa e problema rònt di bibienda sosial na Boneiru. Knops ta konta ku e dedikashon di konseho insular i kolegio ehekutivo pa bini ku un plan di akshon pa bibienda sosial na e isla.
“Tambe pa solushon di e problema aki lo ta na vigor ku e interes di gobièrnu públiko lokal stabil lo ta un kondishon apsoluto den e elaborashon mas aleu di un solushon.