WILLEMSTAD – Den e kaso di korte di gobièrnu di Kòrsou, e doño di refineria RdK, kompanianan di utilidat públiko i suministradó di kombustibel Curoil kontra PdVSA, eksplotadó di refineria Isla i espesialmente ConocoPhillips, e último ta kleim ku nan no ke perhudiká e isla.
Djamars tabatin e kaso sumario di gobièrnu pa kanselá e beslag di e kompania di zeta merikano riba e zeta i stòk di PdVSA. Pasobra lo tin solamente sufisiente kombustibel pa dos luna (i no tres luna manera promé minister a bisa djadumingu) ku tur konsekuensha di esaki pa e suministro di energia, transpòrt i asina e ekonomia di e isla.
Pero e abogado di ConocoPhillips ta enfatisá ku e meta ta pa haña sèn di PdVSA i no pa perhudiká e isla. E kònsùrn ta bisa ademas ku nan ke pensa huntu riba solushon pa asina e isla no sufri. Pero den korte el a tende relato bunita, pero sin solushon ‘bèrdadero’, segun e abogado.
“500 mion dòler pa ConocoPhillips ta kuater dia di trabou”
E defensa di gobièrnu ta bisa ku kisas ConocoPhillips no tin e intenshon di toka ekonomia, pero ku e beslagnan lo kousa esaki si. E grupo di empresa tin un volúmen di benta di 30 miar dòler, dies bia e produkto nashonal bruto di Kòrsou. E demanda di 500 mion dòler pa ConocoPhillips ta kuater dia di trabou. Pero pa esaki ta hinka Kòrsou den problema grandi, segun e abogado.
For di e argumentashonnan di e abogadonan di e otro partido ta sali ku tin mas ta pasando. Asina Isla ta ninga ku for di 12 di mei el a para e suministrashon di produkto di zeta. E suministro na Aqualectra a sigui normalmente. Curoil no ta haña zeta pasobra nan no a paga manera mester ta, e abogado di Isla ta bisa. Curoil ta ninga esaki durante di e seshon den korte.
Ademas e refineria, Aqualectra i Curoil por haña produkto di zeta via otro suministradó, esaki tambe a sali na kla den korte. Ke men nan no ta dependiente di PdVSA. Pero e pregunta ta kuanta esaki lo bai kosta èkstra.
Djaluna 21 di mei tin sentensia