WILLEMSTAD – Na asil di bestia na Parera e simannan aki na ta parti puppy i pushi pòrnada. E Fundashon di Protekshon di Bestia ta lucha ku problema di sèn i muchu hopi bestia.
“Nos tin lugá pa maksimalmente 60 kachó, pero aktualmente nos tin mas ku 100 ta kana rònt”, presidente di direktiva Gregory Berry ta bisa.
Reportahe na hulandes
E fundashon a spera di por prevení seramentu di e asil pasobra si hopi hende bin skohe un kachó òf pushi e gastunan lo baha. Normalmente un kachó ta kosta 125 florin pero awor por bin buska un kachó grátis.
Berry ke trata e superpoblashon di kachó na Kòrsou mas fuerte: “Mi ke subi kaya i stratégikamente pasa den e barionan pa sterilisá bestia. No tin sentido pa un bia sterilisá shen kachó. E kachónan ta sigui multipliká i ta haña di seis te nuebe puppy. E sterilisamentu mester sosodé kontinuamente, i nos ke empeñá pa esaki.”
Ku un asil pa bestia bo por yuda ku un problema un ratu, pero no ta un solushon struktural. Awor nos ta buska spònser pa nos proyekto di sterilisashon.
No ta kla te ki dia por pasa buska e bestianan grátis. Esei ta dependé di e kantidat di adopshon e tempu binidero.