WILLEMSTAD – Pa limitá molèster di drogadikto sin kas den sentro, a habri e akohida di anochi atrobe. Tres aña pasá a sera esaki pasobra no tabatin personal
Klínika Capriles i Fundashon pa Maneho di Adikshon (FMA) a sera un akuerdo di koperashon pa esaki ku a drenta na vigor dia 1 di yüni.
Na 2015 FMA mester a sera e akohida di anochi ‘Dios Yudami’ den e bario di Skalo. Gobièrnu no tabata pone personal di un trayekto di siña i traha disponibel mas pa traha warda di anochi. Ku esaki e akohida a kambia den un sentro kaminda por a akudí den dia.
Djis pegá ei Klínika Capriles tabata manehá e sentro ‘Un mihó mañan’ pa drogadikto ku problema síkiko. Ei ainda nan por a keda drumi. Pero falta di plaka a pone ku e sentro kisas mester a sera. I ku esaki tabatin e peliger di mas molèster den sentro di siudat.
20 kama
Awor e dos instanshanan ta traha huntu: Capriles a sera su sentro i ta ekonomisá hopi ku esaki, i a atraé trahadó. Awor FMA ta spar gastu pasobra e kuminda pa su klientenan ta bini di kushina di klínika Capriles. Ku e kambionan aki e akohida di anochi a bira posibel ku aktualmente 20 kama.
FMA ta keda pèrkurá pa e akohida di den dia: kuminda, baño i paña limpi pa e adiktonan. Na 2017 un promedio di 38 persona diariamente a hasi uso di e fasilidat. E grupo ei awor ta mas grandi pasobra tin adikto tambe ku ántes tabata bai Klínika Capriles.