KRALENDIJK – 10 porshento ménos penshun básiko (AOV) for di Kòrsou. E hendenan di binti – i trint’i piku aña di awendia mas despues lo haña nan ku e défisit aki den nan penshun. A kuminsá un akshon di firma.
Penshonado y sekretario di VAC Maximino (Chon) Theodora
Laga bisa bo a traha 38 aña den enseñansa na Kòrsou. Bo a kontribuí tambe na e kresementu ekonómiko di e isla. P’esei komo penshonado di Kòrsou bo tin derechi riba 862 florin antiano (2018). Esaki ta mas o ménos 410 euro pa luna. Ora bo hasi 65 aña bo ta disidí di bai biba bèk na bo isla natal Boneiru.
Pero gobièrnu di Kòrsou entretantu a fòrsa un lei ku entrante 1 di yanüari 2017 ta hasi posibel ku ta keda sin paga dies porshento di bo penshun básiko. Pasobra bo no ta biba na Kòrsou. I pasobra gobièrnu tin un défisit finansiero. Esaki ta pone ku bo ta haña mas o ménos 41 euro ménos pa luna. Miéntras ku semper bo a paga bo primanan di AOV si.
‘Mi ta haña ku ta ladronisia’
Esaki ta e situashon di Maximino (Chon) Theodora. E ta desapuntá: “Mi no ke papia brutu, pero mi ta haña esaki ladronisia.” Boneiru a bira mas pober kaba for di tempu ku e isla a bira un munisipio ekstraordinario. I ku e dòler ku a introdusí bida a bira basta mas karu. Anto awor e ‘inhustisia’ aki, Theodora ta bisa, loke p’e tabata motibu di bira sekretario di VAC (Asosiashon di interes di AOV Kòrsou na Boneiru).
E asosiashon di interes aki mas tantu ke pa anulá e lei aki. I nan ta apelá aktivamente na esnan di binti- i trint’i piku aña pa firma e akshon di firma; pa nan mes i nan yunan den futuro. VAC ta bisa ku ta un asuntu di prinsipio. “Tur hende mester komprondé ku si nos aseptá e tipo di medidanan aki , mayan Kòrsou por rebahá 20 porshento òf mas di AOV. I promé ku bo sa nan lo bai rebahá e AOV di hende ku ta biba na Kòrsou mes.”
Pa e hóbennan e asuntu ainda no ta masha aktual
VAC ke sa kuantu boneriano tin derechi riba e penshun básiko di Kòrsou. Ku entre otro e datonan aki via e ‘akuerdo di amistat’ entre Kòrsou i Boneiru, nan ke konvensé e direktiva pa retirá e lei. Nan ke pa e arubano perhudiká tambe djòin, pero nan no a haña un moveshon ei. Pasobra e penshonadonan arubano tin e mésun problema.
Den un luna VAC a haña 44 firma. Pero niun no ta di persona mas hóben ku 42: e edatnan ta 68 aña promedio i esun di mas bieu tin 84 aña. “Pa e hóbennan ainda e asuntu no ta masha aktual”, Theodora ta bisa.