ROTTERDAM – Wikipedia tin muchu poko artíkulo i potrèt tokante historia i kultura surinameño i karibense. P’esei e ensiklopedia online for di luna di mei ta yenando e hiato aki ku boluntario.
Riba Dia di Tula, djabièrnè pasá, tambe tabatin atenshon èkstra pa e inisiativa di Wikipedia. Tur hende ku e dia ei a konsultá e ensiklopedia online promé tabata mira informashon tokante e héroe di resistensia kurasoleño Tula. Segun Valika Smeulders, ku ta traha na Rijksmuseum na Hulanda i ku ta spesialisá den herensia kultural, diversidat i e pasado kolonial e konosementu aki na interes di kada hulandes.
Na Hulandes. Outor Natasja Gibbs
Henter luna di sèptèmber e parti hulandes di e ensiklopedia online huntu ku Rijksmuseum, Nationaal Archief, Wereldmuseum i Koninklijk Instituut voor Taal-, Land en Volkenkunde ta organisá e asina yamá enkuentronan di Wikipedia. “Durante e enkuentronan ‘Wikipedia goes Caribbean’ nos ta siña e bishitantenan kon Wikipedia i proyektonan similar ta traha i kon bo or kuminsá traha komo Wikipediano.”