KRALENDIJK – E lider di e partido di oposishon boneriano Partido Demokrátiko Boneriano (PDB) Clark Abraham no ta komprondé pakiko sekretario di estado Raymond Knops di Relashonnan den Reino sinku luna promé ku elekshonnan lokal ke laga firma un akuerdo di gobernashon den purá.
‘Algu asina drástiko’djis promé ku elekshonnan insular di 20 di mart 2019 na Boneiru, Abraham ta bisa ku ta masha malu. “Bo mester ofresé un komunidat su propio abilidat di limpia su mes i e chèns pa skohe su lidernan demokrátikamente.”
Knops for di kuminsamentu di e aña aki a biaha pa Boneiru regularmente. El a eksihí un plan di Kolegio Ehekutivo, ku medida a base di integridat i bon maneho finansiero. Pero na yüli Knops a yama e plannan ku Kolegio Ehekutivo a entrega serka dje ‘desapuntante’. Knops ta na Boneiru djárason pa laga firma un akuerdo di gobernashon bálido te ku 2022.
A rechasá e moshon
Un amienda di Abraham no a yuda kontra di esaki. Ku kuater voto pro i sinku kontra a rechasá e posibilidat pa e gobièrnu lokal resientemente elegí haña espasio pa un posibel adaptashon di e akuerdo di gobernashon.
Un moshon ku Abraham su partido PDB a entregá, pa firma e akuerdo di gobernashon te despues di e elekshonnan, tampoko no a haña mayoria, ku un voto pro i ocho kontra.
‘Ku esaki delantá ta limitá e derecho demokrátiko di pueblo’
Durante i e votamentu tokante di e akuerdo di gobernashon den e reunion di konseho insular di djamars pa djárason Abraham a bai. E ta haña ku ku esaki delantá ta limitá e bos i derecho demokrátiko di pueblo. Di un gobièrnu aktual i aworó serka un gobièrnu lokal ku mester elegí ainda.
Segun Abraham ya a ‘sera hopi akuerdo i palabrashon kaba’: “esakinan por sigui sin akuerdo di gobernashon.”
‘Nos ta rekonosé e problemanan’
Abrahams ta kulpa su mes: “si, nos ta rekonosé ku e Kolegio Ehekutivo ta masha inkapas den maneho di nos finansanan. Nos ta rekonosé tambe ku e Kolegio Ehekutivo aktual ta masha inkonfiabel den su palabrashonnan. No solamente kontra Den Haag, pero kontra tur hende aki lokalmente. Pero e isla ta kla pa un outopurifikshon. E nesesidat ei t’ei