KRALENDIJK – Mas tantu votadó boneriano awe meinta ònferwagt a bin vota pa e kolegio elektoral ku finalmente ta skohe e miembronan di Eerste Kamer.
Banda di 10 or e kantidat di voto pa Konseho Insular (gobièrnu lokal) tabata mas o ménos igual ku esnan pa e kolegio elektoral: 817 kontra 672 voto. Esaki gezaghèber Edison Rijna ta bisa ora ku meinta 11 or el a vota pa e kolegio elektoral. “Mi a hasi esaki pa haña mas atenshon pa e elekshon aki.” Awe tardi 3 or el a vota pa Eilandsraad.
Segun e último sifranan dos or di mèrdia algu mas ku 19% (2693) di e 14.114 ku tabatin derechi di vota, a vota na Boneiru. Tabatin algun problema chikí segun Rijna, pero no ku p’esei hende no por a vota. Banda di mitar di dos a bisa ku na Sentro di Bario Nikiboko algun bia koriente a bai. Pero a resultá di ta e komunikashon di telefon/internet.