WILLEMSTAD – Un siman despues di e manifestashon vehemente kontra e posibel yegada di ‘e matrimonio homoseksual’ na Kòrsou, tur dos banda ta konta nan balansa. Kon sigui awor?
Sonja Berkemeyer a bira famoso ku su potrèt riba medionan sosial. E tabata pará e so ‘komo mama’ direktamente en frente di un grupo di un mil manifestante (kristian).
“Ora mi a tende e anunsio na radio, mesora mi mester a pensa riba loke mi a lesa 17 aña pasá: Si Dios no a traha hende homoseksual, lo no tabatin ni un na mundu.”
El a kuminsá kore den su kas. “Mes lihé ku mi tabata por mi a klaba un bòrchi i fèrf e teksto riba dje. Pasobra mi tabatin solamente tres ora di tempu promé ku e manifestashon hipókrita ei lo a kuminsá.”
(texto ta sigui bou potrèt)
EL A DRENTA KUEBA DI LEON AYERA:M'A GOSA E MAMA DI ANGELO BERKEMEYERWILLEMSTAD–Un dje puntonan ku mi a gosa ayera…
Geplaatst door Julius Koko op Zaterdag 13 juli 2019
“Aki na Kòrsou nos ta aseptá biba huntu sin kasa, yu djafó, intimidat seksual bou di tiner, sèks pafó di matrimonio. Nos gusta kòrta orea. I kuantu mama soltero nos no tin?”
Su protesta solitario ta un homenahe na tur e fèrdrit ku hende lhbt, entre nan su yu hòmber, mester pasa aden. Hopi hóben tin miedu di konta asta nan mes mama òf asta nan ke mata kurpa. Komo mama esaki ta e kos di mas pió ku tin.”
“Mi yu a hañ’é ta kambia skol asina tantu bia, kaminda e ta asina sabi. El a bai sikólogo, pasobra e tabata lucha ku su mes i e famianan tabata mete hopi. E manifestantenan ei no sa kuantu fèrdrit nan ta kousa den komunidat.”
Mi tin dos yu ku te ainda no ta papia ku otro pasobra un ta homo. Kiko bo ta kere esaki ta hasi ku un mama?”, Berkemeyer ta bisa.
Predikadónan ta avisá parlamento
Diferente grupo kristian ta eksihí pa parlamento di Kòrsou no debatá òf vota tokante e proposishon di lei di Partner Registrá. Koproponente i visepresidente di parlamento, miembro di Staten Giselle McWilliam, no tin niun sorto di intenshon pa kumpli ku e eksigensia aki.
“A bira tempu pa derecho igual. Esaki no ta trata un kasamentu den misa, sino un derecho sivil”, segun McWilliam.
“Pero un matrimonio di homo asina ta trese un choke den nos derechinan básiko”, domi Said Flores ta avisá. “Manera nos libertat di religion i nos libertat di konsenshi. Aworó bo mester partisipá, sino bo ta pèrdè bo trabou. Mi no ke pa trata e lei ei; tin lei mas importante ku meresé prioridat.”
‘Ta lanta dos kampo vehemente na Kòrsou’
“Si bo wak bon riba Facebook bo ta mira ku for di dia di e manifestashon a surgi dos kampo berdaderamente vehemente”, e aktivista kurasoleño Julius Koko ta ripará. “Riba e isla mes tambe e sintimentu t’asina.”
Koko mes tabata presente na e manifestashon. “Anto no pa motibu di e versonan selektivo di Beibel ku nan ta usa, pero pasobra matrimonio di homo no ta pas den nos kultura. Mi ta kontra si, pero mi ta spera ku tur hende ta defendé otro su derechi di demonstrá.”
E aktivista ta prekupá pa libertat di ekspreshon di opinion. E tabata testigu di un hòmber ku a bai para banda di Berkemeyer ku un aire intimidó. Esaki ta kòrda mi riba e vehemensia di e referèndem anterior pa nos outonomia, kaminda famia i amigu no tabata papia ku otro mas.
El a spanta si. “Mi tabatin suerte ku un polis a bin protehá mi durante di e manifestashon. Dos hóben mésora ker a ranka mi bòrchi ora mi a baha for di outo.
Kiko Iglesia Hatóliko ta hasiKoko ta puntra kiko Iglesia Katóliko lo hasi mirando ku nan tin mas miembro kristian ku tur. Segun Mario Kleinmoedig di e klup di interes di lhbt ‘tin motibu pa speransa’. “Esaki ta e mihó siman te awor”, Kleinmoedig ta bisa. Den e karta di obispu ku mi a kaba di haña bo ta lesa ku nan sí ta habrí pa diálogo.” “Obispu sí ta mira homoseksualidat komo un realidat, komo un parti di Dios su kreashon. Ounke nan ta kontra di un habrimentu di matrimonio, obispu ta haña ku iglesia i estado ta separá i ku algu manera partner registrá ta un derecho humano.” Domi Flores ta lesa e karta diferente. E laga sa ku e ta ‘konfia’ ku e katólikonan lo sostené su lucha kontra matrimonio di homo, tambe a base di kombersashon ku tabatin anteriormente. Obispu a distansiá su mes di Flores, Kleinmoedig ta bisa. E mas importante ta ku iglesia katóliko ta habrí pa diálogo. Komo señal di diálogo e obispu di Kòrsou a haña invitashon di e organisashonnan lhbt pa partisipá na Gay Pide. |
Miedu di triki hurídiko
Flores ta kontinuá e lucha. E tene kuenta ku esnan di lhbt ‘probablemente tin triki hurídiko pa kambia nan sekso den na pasport’.
P’esei nos a entregá nos propio proposishon di lei na e parlamentarionan, pa un matrimonio solamente entre un hòmber i un muhé biológiko. Nos ta konta ku nan sosten i ta drenta den kombersashon ku nan i e tempu binidero nos ta sigui ku kampaña di informashon i seminar.
E proposishon di e grupo di asosiashon kristian pa kambia konstitushon di e isla