DEN HAAG – Un aña i mei despues ku polítika na Den Haag a tuma gobièrnu di Sint Eustatius ofer, e krítika ta krese. Poko kos lo ta pasa i masha dia no ta komuniká ku habitantenan, e statianonan envolví ta bisa.
E finansanan, infrastruktura i atministrashon di e munisipio ekstraordinario a bira asina bruá, ku sekretario di estado Raymond Knops for di aña pasá ta tratando di pone òrdu den e asuntu e mes. A manda gobièrnu kompleto í e miembronan di konseho di Sint Eustatius kas.
‘No por ripará mashá progreso’
Ainda e kayanan ta kibrá, registro sivil no ta na òrdu i un karta den pòst ta tuma lunanan largu pa yega. “Nos no por ripará niun progreso. No ta komuniká tampoko ku e habitantenan kiko ta pasando ke men pasenshi a kuminsá kaba aki”, èks miembro di konseho insular Koos Sneek (DP) ta avisá.
Normalmente e konseho sivil ta reuní ‘un bia pa luna’ pa na nòmber di e habitantenan reuní ku e komisario di gobièrnu Mike Franco. “Pero e último bia ku nos a reuní tabata na mei”, Ivan Berkel, un di e miembronan sivil, ta bisa. Ta Franco ta disidí e frekuensha.”
Warda un karta den pòst dos pa tres luna
“Ta e kosnan simpel ta iritá e habitantenan mas tantu”, Ivan Berkel di 75 aña di edat ta konta. “Pòst aki ta masha floho. Asta for di Sint Maarten, ku ta djis algun kilometer mas leu, ta te despues di dos òf tres luna bo ta risibí un karta.”
“Mi a trese esaki dilanti tambe den un email pa Franco”, Berkel ta bisa. “Pero no ta komuniká bèk ku mi.”
Kayanan ta kibrá ketu bai, no a pone ni un meter di asfalt
Un otro punto di diskushon na e isla ta e kayanan kibrá. “Despues di un aña i mei ainda e kayanan ta yen di buraku”, Berkel ta bisa. “Diferente hende pa e motibu aki tin hopi problema ku nan outo.”
Koos Sneek, lider polítiko di DP Sint Eustatius i miembro anterior di konseho insular – potrèt: John Samson
“E kayanan ta hot topic”, e èks miembro di konseho insular Koos Sneek (DP) ta konfirmá. “Fin di yüni lo a entregá un kaminda nobo. Te ainda no tin ni un meter di asfalt abou.”
“Loke ta prèt”, Sneek ta bisa, “ta ku e parlamentario di CDA Joba van den Berg i e parlamentario di SP Ronald van Raak aña pasá den un debate ku e sekretario di estado ainda a spera ku e konstrukshon di un kaya na Sint Eustatius lo no a bira un programa mega-burokrátiko. Manera ta A16 nan mester konstruí. Pero ta asina e ta bai si.
Pasenshi a kuminsá kaba
E krítika di mas grandi ta pa e komunikashon malu di e mandatarionan hulandes na e isla. “Bo ta tende poko informashon na radio òf riba wepsait di gobièrnu. Nan no ta komuniká ku pueblo”, Sneek ta bisa.
“Knops ta skibi na Tweede Kamer ku tur kos ta bai fantástiko, ku tin hopi progreso. Esaki no ta klòp niun tiki i mi ta haña esei preokupante si.”
“Si nan divulgá e desishonnan mes, bo no ta tende pakiko i kiko ta e konsekuenshanan. Enkuentro pa habitante no a tene for di aña pasá. Ta palabrá tur kos tras di porta será”, Sneek ta bisa.
Sneek su krítika ta remarkabel. Su partido DP for di kuminsamentu ta e úniko i gran simpatisadó di intervenshon hulandes. “Pero nos ta kuminsá sinti mas i mas ku awor si e kos ta tarda muchu hopi sin tin nodi.” P’esei e siman aki e partido a manda un karta ekstensivo pa reklamá.
Reakshon di sekretario di estado
Na sèptèmber sekretario di estado Knops ta informá Tweede kamer di nobo tokante e progreso na e isla i si por tene elekshon nobo.