WILLEMSTAD – Organisashonnan di ayudo ta ripará ku ekonomia di Kòrsou ta sigui bai mas malu: e petishon pa pakete di kuminda ta oumentá. Trinta porshento d pueblo di Kòrsou ta biba bou di e límite di pobresa. Ademas CBS ta mèldu ku desempleo den e promé mitar di aña a oumentá ku 64 porshento. Es ku no tin trabou ta ònderstant so e por pidi.
Pero esaki ta asina poko, Agnes Cobelens di Fundashon Ayudo di Emergensia Agudo di Pobresa (SANA, Stichting Acute Noodhulp Armoede) ta bisa, ku ta imposibel pa bo biba di e ònderstant ei. E fundashon ta un di e 25 organisashonnan ku ta risibí pakete di Banko di Kuminda di Kòrsou (Voedselbank Curaçao) pa parti esakinan. Ke men pa mayoria parti ta hende ku ta haña ònderstant, entre nan hopi mama soltero. Koblenz ta bisa ku e konosé mama ku tin bia ta keda sin kome kuater dia.
Outor Peter Eikelenboom
Alejandro van Putten tambe ta un kliente fiho di Banko di Kuminda Kòrsou. E ta liá na e skol AGO na Montaña. Ei tin hopi alumno di famia pober i e tin un lista di binti famia ku ta biba bou di sirkunstansha deplorabel. Aki tambe ta trata di famianan ku pa mayoria parti ta biba di ònderstant.
E tambe ta bisa ku e ònderstant ta muchu poko: na mitar di luna fast tin alumno ta pará den su ofisina pa pidi kuminda i preferiblemente pa hiba kas tambe. Tin alumno ta haña nan fòrsá pa yuda nan mama. Por ehèmpel nan ta trata di gana poko sèn aserka. E ora ei nan ta yega skol kansá i nan no por konsentrá bon, Van Putten ta konta.
Mester di mas pakete pero tin ménos plaka
Kada di dos djasabra di luna e boluntarionan di Banko di Kuminda ta reuní den un depósito. Nan ta paketá tas di kompra ku komestibel manera aros i hopi kuminda di bleki. E kuminda nan ta kumpra di e donashonnan ku nan ta haña.
Nan tambe ta ripará e konsekuenshanan di e ekonomia malu; mas i mas organisashon último tempu ta pidi pakete. Pero Banko di Kuminda por hasi ménos ku ántes. Promé ku outonomia di Kòrsou nan tabata haña supsidio ainda. Despues no mas i un suma di 100 mil florin a kai afó poniendo ku asina nan por entregá 100 pakete so na lugá di 400.
Anteriormente kaba organisashonnan di ousilio a mèldu ku na ta mira pobresa na Kòrsou oumentá i amplia pa Hulanda