Portrèt: Delfins Beach Resort

KRALENDIJK – Banda di buelo oropeo for di djamars Boneiru ta tene buelo for di Estádos Unídos , Canada, Colombia i Repúblika Dominicano afó. Hóreka lokal mésora ta sinti e efektonan di e medidanan aki kontra e viro corona.

“Na e momento aki nos tin 20 porshento di nos okupashon normal, David Rietveld, manager di Delfins Beach Resort ta bisa. “Nos mester trata di baha nos gastunan mas tantu posibel. P’esei nos ta fòrsá di tuma desishon difísil.”

E hotèl mester a kita 12 trahadó for di trabou kaba. Nos no ta ekskluí ku lo kai mas retiro”, Rietveld ta bisa. Na Boneiru ta biba un 20 mil persona ku pa un gran parti ta dependé di turismo.

‘Sla inimaginabel pa ekonomia’
Ofisina di turismo di Boneiru ta haña e medidanan di gobièrnu insular ‘komprendibel’, pero tambe ‘un sla inimaginabel’ pa un ekonomia ku ta lora espesialmente riba turismo. “Niun hende no tabata prepará p’esaki”, Delno Tromp di ofisina di turismo ta reakshoná.

Ku nos stakeholdernan nos a traha un plan di enfoke pa ora e kos aki pasa. E ora ei nos lo market agresivamente pa haña mas tantu turista pa bini Boneiru bèk.”

Propio medida na restorant
Ounke ku na Boneiru no tin un medida di hóreka i e kafénan i restorantnan ku na ora di publikashon di e artíkulo aki ta keda habrí ainda, empresarionan di hóreka ta hopi okupá ku esaki si. Kada un ta hasi esaki na su manera.

Algun kompania di hóreka mes ta tuma medida riguroso di sera nan porta pa ta seif. Asina restorant El Mundo na Kralendijk espesialmente ta entregá kuminda na kas.

Miéntras ku pa otronan e kos ta keda ‘business as usual’, manera na restorant Julian’s Café. “Nos ta dediká atenshon spesial si na higiena Tantu pa kolaboradó komo pa wespet. Pero nos ta keda habrí normal te ora gobièrnu bisa ku nos mester sera”, e manager ta konta.

No tin kontaminashon ainda
Na Boneiru aktualmente no tin kontaminashon ku e viro corona ainda, pero gobièrnu insular ta spera ku e medidanan nobo pa tráfiko aéreo lo logra tene hende for di e áreanan di riesgo i asina tambe e viro di corona for di e isla.