WILLEMSTAD – “Bon enseñansa, un bon kuido di salubridat i un bon kuido na edat grandi”, esaki tabata e soño di Emily de Jongh-Elhage mas ku dies aña pasá ora el a kuminsá na e desmantelashon di Antia Hulandes.
Awor despues di dies aña e pais ta mas mal pará finansieramente ku e tempu ei. “Nan a traha masha malu.”
Tekst gaat verder onder de video
Outor Kim Hendriksen (Na Hulandes)
De Jongh-Elhage ta e último promé minister di Antia Hulandes. Despues ku su partido PAR a gana elekshon di 2006, a nombr’é komo promé minister pa guia e proseso di desmantelashon di Antia Hulandes.
Sanashon di debe
Un di e puntonan di enfoke pa e èks promé minister tabata pa eksonerá e debe di 4.2 miar florin. “Nos a papia pa kompartí e debe ku tur e islanan, pero mi a preferá pa kada isla bira blachi kuminsá di nobo”, asina De Jongh-Elhage ta bisa, “i a logra esaki, pero entretantu nos debe a subi atrobe bai mas ku 3 miar. Nos ta bèk kaminda nos a kuminsá.”
Despues ku Hulanda a apsolvé e debe di e islanan, i presupuesto di Kòrsou tabata mustra un sùrplùs, e islanan por a kuminsá ku un blachi nobo: “enseñansa, kultura, deporte i kuido médiko, por a konstruí tur di nobo. Un pais nobo ku por tabata un ehèmpel pa e paisnan den e parti karibense”, e èks promé minister ta konta.
Djis despues di 10-10-’10 De Jongh-Elhage tabata prekupá kaba
Den tres aña apénas a sobra algu di e sùrplùs. Tres aña despues di 10-10-’10 De Jongh-Elhage tabata prekupá kaba pa e posishon ku e isla tabata aden. “E palabra mágiko tabata konfiansa i esei nos tabatin promé ku 10-10-10. Ekonomia tabata floria. Awor e konfiansa a bai.” Lesa bèk aki.
Ku asombro e èks promé minister ta mira e aktitut di e polítika di awe. “E manera ku nos ministernan tabata papia durante un rueda di prensa, bo no ta papia asina si bo mester negoshá ainda”, De Jongh-Elhage ta bisa. “Ta manera e polítikonan ta traha pa nan mes i no pa pueblo.” E partido di De Jongh-Elhage, PAR, aktualmente ta na mando bou di promé minister Eugene Rhuggenath.
Ántes nos tabata diskutí den salanan patras pero saliendo pafó, serka prensa i pueblo nos tabata bini ku solushon. Nos no tabata kaba ku otro den públiko.
Akuerdo fiansanan di corona
E èks minister ke men e reakshonnan di e ministernan den e rueda di prensa pa motibu di e kondishonnan ku Hulanda a buta pa risibí e di tres tranche di ayudo di emergensia pa motibu di e krísis di corona. De Jongh-Elhage ta spera ku e paisnan e tempu binidero lo para huntu pa solushoná e krísis ekonómiko i finansiero. “Nos ta huntu den Reino, ta huntu so nos por sali aki ‘fo atrobe.