KRALENDIJK – Boneiru ta ferwagt ku lo bai dura un tiki mas largu ku a planea pa alkansá imunidat di grupo. Esei diputado Nina Den Heyer a bisa durante un akshon di vakunashon obligatorio lokal pa konvensé e hopi hendenan ku ta duda na e isla, ku e vakuna di corona ta seif.
“Mi ta spera ku nos por a duna nan un push”, segun Den Heyer ku a vakuná huntu gezaghèber Edison Rijna i kolega diputadonan James Kroon i Hennyson Thielman.
Outor Marit Severijnse
“Di e mandatarionan arubano nos a komprondé ku nan a mira un oumento di 30 porshento den e registrashonnan despues ku nan a vakuná. Naturalmente nos ta spera riba e mésun efekto.”
Prensa no tabata pèrmití di ta presente na e ora di vakunashon, manera na otro isla sí, pero a transmití esaki live riba internet sí. Despues e mandatarionan a kontestá tur pregunta di prensa, manera e imunidat di grupo sperá.
Den Heyer: “Di un banda nos tin konfiansa sí ku nos lo logra. Pero si mi por ta honesto, mi ta kere ku lo dura poko mas largu ku nos a planea.”
Sufisiente informashon
E personal di kuido na Boneiru siman pasá a haña e promé vakunashonnan di e vakuna di Pfizer. Djaluna a kuminsá vakuná pa e grupo di 60-plùs. Entretantu a vakuná 961 hende di kua 500 ta dunadó di kuido, segun e último sifranan di gobièrnu.
Riba e pregunta si gobièrnu a duna sufisiente informashon Den Heyer ta kontestá: “Mi ta kere ku nos lo sigui duna informashon. Despues di poko tempu bo ta haña feedback tambe i por ehèmpel bo por mira tambe kiko ta traha bon den e paisnan bisiña. E ora ei bo ta adaptá bo komunikashon na esaki.”