WILLEMSTAD – Na Kòrsou ku suspenso èkstra ta wak e publikashon diario di e kantidat di kontagio di corona, despues ku for di algun dia ta trata di un oumento grandi. Espesialmente pa motibu di e elekshonnan binidero.
Epidemiólogo Izzy Gertenbluth djaluna 8 di mart durante un rueda di prensa kaminda el a anunsiá e último sifranan di corona ta bisa ‘ku niun hende no ke limitá niun hende su derecho demokrátiko na Kòrsou’. Pues posponementu di elekshonnan no ta un tópiko na e momento aki. Pero segun e Kòrsou mester hasi tur kos sí pa evitá ku e elekshonnan lo bira un evento di ‘superspread’.
“Kòrsou e aña ku a pasa a hasi tur loke ta posibel pa limitá e vírùs. Si awor nos laga kuidou bai i haña un kantidat grandi di kontagio durante elekshonnan, tur nos bon trabou di e aña ku a pasa lo tabata pòrnada. Esaki simplemente no por.”
P’esei e siman aki e ta deliberá ku e lidernan polítiko di e diessinku partidonan ku ta partisipá na elekshonnan.
 E elekshonnan ta riba 19 di mart Mester di un mion èkstraPa por kumpli ku e protokòlnan di salubridat pa motibu di corona, pa e organisashon di e elekshonnan pa parlamento na Kòrsou, mester di un mion florin èkstra. Lesa mas tokante di esaki: Mester di un mion èkstra pa elekshonnan na Kòrsou pa motibu di corona |
Promé minister di Kòrsou tambe ta avisá. “Si ta nesesario nos ta bini ku mas medida’, segun Eugene Rhuggenaath, ku en relashon ku esaki ta pensa entre otro riba introdukshon di un prohibishon di alkohòl. Djaluna pasá a pone e toke de keda na 10 or di anochi te 4.30 or di mardugá, na lugá di un toke de keda ku tabata kuminsá mei anochi.
E variante britániko ta oumentando
E kantidat di kontagio di corona na Kòrsou último dianan a subi hopi. Djaluna 8 di mart a registrá 114 kaso aktivo, un siman promé tabata solamente 64. Simannan largu e kantidat tabata hopi mas abou ku shen. For di tèst di RIVM ademas ta sali ku den tres kuart di e kontagionan nobo tabata trata di e variante britániko. Ta nèt e oumento di e variante muchu mas kontagioso aki, ménos ku dos siman promé ku elekshonnan di parlamento, ta hasi hopi hende tenso.