KRALENDIJK – 65 hóben a haña na promé bakunashon i 50 nan di dos bakunashon durante un evento di bakuná espesialmente durante un evento espesial di bakunashon pa hóben. “Pasobra mi ke por mira mi mama i bishitá otro pais”, Roylina Pieters di 15 aña di edat ta bisa.
El a kaba di haña su promé bakuna. “Mi brasa ta un tiki steif, nada mas.” E evento ta parti di e kampaña nobo Ban Skol Bèk di departamento di Salubridat Públiko.
Outor Marit Severijnse
E ta konsistí di entre otro dos vidio di promoshon den kua hóben ta konta pakiko nan a bakuná, e kordinadó Irvinia Wout Daantje ta konta. “Pero nos a bai skolnan tambe i ainda lo organisá enkuentro i un debate.”
Salubridat Públiko a laga sa anteriormente kaba di ta buska manera pa motivá hóben pa bakuná. Esaki lo no ta e úniko evento, nos lo organisá mas. Kada bia nos ke desaroyá idea nobo pa hóben, segun Wout-Daantje.
Pregunta tokante e efektonan riba término largu
Durante e evento tabatin médiko presente tambe ku por a papia ku e mayornan si nan tabatin pregunta. Segun dòkter di kas Mike Mercuur sí tabatin algun mayor ku a indiká ku nan ta haña e bakunamentu tin tenshon. “Nan ta haña fastioso pa bakuná nan yunan, pasobra nan no sa e efektonan riba término largu.” Segun Mercuur ta un desishon ku kada hende mester tuma pa nan mes.
“Di un banda bo tin e riesgo ku si bo usa algu ku ta relativamente nobo i di otro banda tin e riesgo ku lo bini otro variante di e vírùs ku ta mas peligroso, manera e variante d Delta aworakí.
Tòg segun dòkter di kas Gijs Koot ta trata di tiki mayor ku ta pasa ku pregunta. “Mi ta spera ku nan ta bon informá. Tambe e mayoria di e mayornan mes a bakuná kaba, ke men nan por pasa e informashon ei mésora pa nan yunan.” Koot ta positivo tokante e proseso di bakunashon aktualmente. “Mi ta spera ku esaki lo sigui asina na Boneiru. Nos ta yegando serka di un porsentahe di bakunashon masha bunita i esei ta danki na e empeño di henter pueblo.”
Segun e sifranan di 21 di ougùstùs 71.3 porshento di poblashon riba 18 aña ta kompletamente bakuná. Di e tinernan di 12 pa 17 aña 38 porshento a haña e promé angua i 24.8 porshento ta kompletamente bakuná. No a inkorporá e sifranan di e evento ainda.