Personal i kliente a subi kaya pa protestá kontra e seramentu di e laboratorio Bonlab. Sekretario di Estado Maarten van Ooijen (Salubridat públiko) ta haña ku esaki mester sera pasobra e ta kosta muchu hopi i Boneiru por ku un solo laboratorio.
E demonstrantenan no ta nan so, polítika lokal tampoko no ta di akuerdo ku e desishon aki di Den Haag. E diputado boneriano di kuido Nina den Heyer tin mas tempu kaba ta lucha ku Hulanda tokante e desishon aki. Pasobra gobièrnu lokal tambe ke dos laboratorio pasobra ta asina so bonerianonan por keda haña sufisiente kuido médiko.
Ken ta protestá i pakiko kontra e seramentu di Bonlab?(video: Marit Severijnse)
Den Heyer ta kompará e situashon ku esun di e botikanan di kua e distribushon di remedi anteriormente tambe tabata keda serka un partido, e hòspital Fundacion Mariadal. Esaki a kousa rei di espera largu. I ku e áwaseru ekstremo ku tabatin e hòspital por a ofresé solamente kuido di emergensia, e distribushon di remedi asta a para kompletamente.
Van Ooijen ke akomodá e kuido di laboratorio kompletamente serka e hòspital aki. E ta basa su desishon riba diferente rapòrt ku a traha i for di kua pues ta sali ku Bonlab, un kompania di gobièrnu, no tin derecho di eksistensia mas.
Pero Den Heyer sin embargo ta haña ku e no por usa e informashon di e raportahenan. “Ta trata entre otro di un rapòrt di 2016 i e situashon na Boneiru entre tantu ta diferente. Nos kantidat di habitante a subi, di 19.000 na 2016 te kasi 23.000 awe”. Ademas hòspital no ta kla pa tuma tur kos ofer, e ta bisa.
Hòspital no e ke e trabou di laboratorio èkstra tampoko
Direktor Giovanni Frans di Fundashon Mariadal ta bisa ku e hòspital no tin masha gana di tuma tur kos ofer. E kuido di laboratorio di promé liña e ta haña ku esaki ta mihó pa e bai pa e dòkternan di kas. “Mi no e ke e pashèntnan ei mes. Nan ta kosta mas sèn ku nan ta trese aden.”
Frans sinembargo tin krítika tambe riba Bonlab. Segun e un laboratorio no mester ta parti di gobièrnu. I ku Den Haag tambe ta mira esaki asina. “Añanan pasá kaba mi a bisa Bonlab, asina boso ta haña problema.”
E protesta tabata organisá pa e bònt AFBW. Seramentu di Bonlab ta kosta 15 hende nan trabou. “Ta un prueba di poder i ta imponé un desishon asina riba nos”, lider di sindikato Cherrel Kwidama ta bisa. Anteriormente un delegashon a biaha pa Hulanda pa sinta na mesa ku van Ooijen. Pero esaki a nenga.
‘Ta imponé un desishon asina riba nos’
“Ta arogansia i e no ta mustra rèspèt pa e representantenan ku e pueblo a skohe”, Norwin Willem, konsehero di e asosiashon di sindikato USIBO, ta bisa. E sekretario di estado a referí nan na e trahadónan di programa di Kuido i Hubentut Hulanda Karibense (ZJCN) pa trese e problema dilanti.
Durante e protesta e grupo a entregá un karta ku nan puntonan di prekupashon na ZJCN, di kua esun di mas importante tabata: anulá e desishon di Van Ooijen. “El a ninga di sinta na mesa ku e delegashon. Awor e mester bini tòg. Pió, awor e mester papia ku e sindikatonan tambe”, Willem ta bisa.
Gobièrnu lokal: Nos ke mantené dos laboratorio
Den un karta na Tweede Kamer e sekretario di estado anteriormente e luna aki a laga sa ku e gobièrnu lokal ainda no a tuma un desishon tokante e futuro di Bonlab. Pero diputado Den Heyer ta streik ku esei: “Esaki simplemente no ta bèrdè. For di novèmber 2021 nos a hasi nos punto di bista kla na e sekretario di estado anterior. Semper tabata kla ku Boneiru ke mantené dos laboratorio.”