WILLEMSTAD – E turista di Brabant di 68 aña ku ofishalmente tabata e promé kaso di corona na e isla, a fayesé.
E hòmber a fayesé despues ku djaluna a atmitié na kuido intensivo di Curaçao Medical Center (CMC). E bosero di e hòspital ta konfirmá e fayesementu. “E kos a sosodé masha lihé”, segun Germaine Gibbs.
Germaine Gibbs di Curaçao Medical Center (Na Hulandes)
E hòmber a yega Kòrsou riba 5 di mart. E dia despues el a haña keho i e djárason despues a kontaktá e pòst di dòkter di kas. E ora ei a tèst e i riba 12 di mart a sali ku e tin e viro. El a bai den isolashon ku su kasá, ku tambe a resultá kontaminá. Entretantu tin un di tres persona kontaminá, ku tabatin kontakto ku e pareha.
Kòrsou a prohibí tur buelo ku ta drenta. Tambe a sera skolnan i tin medida di limitashon pa hóreka.
