Humamanetu di vape serka hobennan na Kòrsou ta birando ‘alarmante’, segun Fundashon pa Maneho di Adikshon (FMA). Segun e fundashon, e popularidat di vape ta grandi pasobra no tin un lei ku ta regulá e uso i no tin ningun tipo di kòntrol.
FMA a publiká e resultadonan di su enkuesta ku a hiba bou di hobennan (12-25) enkuanto uso di alkohol, mariwana, sigaria i sigeria elektroniko.
E problematika di humamentu i tambe konsumo di alkòhòl serka hobennan ta preokupante, segun FMA. Prinsipalmente e fenómeno di vapepen ta eksigí atenshon. Direktor Verda Betrian ta enfatisá dikon ta importante pa kuminsa hasikòntrol.
Originalmente a desaroyá vape–pen pa hendenan ku ke stòp di huma sigaria. Den diferente pais ta trahando riba un maneho pa kontrola ken ta kumpra e vape-pen, sikisas ta un dòkter ta reset’é na un hende ku ta den proseso pa stòp di huma. “Dikon nos tambe no ta hasié na Kòrsou?”, Verda Betrian ta puntra.
FMA ta opina ku mester introdusi leinan ku ta kontrolá benta di sigaria elektroniko. I di ningun manera bend’é ku hobennan. Si esaki tuma luga tòg, segun Betrian mester duna but i inverti’é den kuido di salú públiko.
Enkuesta
E enkuesta a tuma luga digital kaminda ku a pidi diferente hoben i tambe instansia i skol, pa yuda haña kontesta riba e preguntanan.369 partisipante a yena nan informashon i eksperensia tokante uso di supstansia.
Na final dje kongreso kaminda a trata entre otro e resultado dje enkuesta, FMA ta spera ku e mayor i profeshonalnan ku a asistí, ta bai bèk nan instansia i media sosial i papia tokante di dje. Ademas FMA Lo konseha gobiernu kón pa adaptá e maneho i hasi’é más efektivo.
